--°C
Loading...
Listen to Article
2 min read
80%
ডিজিটেল ডেস্কঃ কৰ্কট ৰোগৰ আৰু খাদ্যৰ মাজত ভালেখিনি সম্পৰ্ক আছে৷ সাধাৰণতে
শৰীৰৰ যিকোনো কোষৰ অস্বাভাৱিক বৃদ্ধিয়েই  হৈছে কৰ্কট ৰোগৰ অন্যতম কাৰণ। শৰীৰৰ ওজন নিয়মীয়া তথা স্বাভাৱিক কৰি ৰখাৰ লগতে  কৰ্কট ৰোগৰ আশংকা হ্ৰাস কৰিবলৈ আপুনি আপোনাৰ দৈনিক আহাৰত কিছুমান খাদ্য ৰাখিব পাৰে।

বিশ্বজুৰি কৰ্কট ৰোগীৰ সংখ্যা দ্ৰুতগতিত বৃদ্ধি পাইছে। ২০১৮ চনত দেশত কৰ্কট ৰোগীৰ সংখ্যা আছিল ২.৫  নিযুত। ২-২০  চনত  সেই সংখ্যা ৪.৯  নিযুতলৈ বৃদ্ধি পায় । বৰ্তমান সময়ত স্বাভাৱিকতে সেই সংখ্যা আৰু অধিক বৃদ্ধি পাইছে। ভাৰতীয় চিকিৎসা গৱেষণা পৰিষদৰ মতে প্ৰতিদিনে প্ৰায় ১,৩০০ লোক কৰ্কট ৰোগত আক্ৰান্ত হৈ মৃত্যুমুখত পৰে।ছোৱালীৰ ক্ষেত্ৰত স্তনৰ কৰ্কট ৰোগ আৰু ল'ৰাৰ হাঁওফাঁওৰ কৰ্কট ৰোগ বেছিকৈ হোৱা দেখা যায়। 

বিশ্ব স্বাস্থ্য সংস্থাৰ বিশেষজ্ঞসকলৰ মতে যদি এই হাৰত কৰ্কট ৰোগ বিয়পি থাকে তেন্তে পৰৱৰ্তী পাঁচ বছৰৰ ভিতৰত প্ৰতি  ঘৰত এজন ব্যক্তি কৰ্কট ৰোগত আক্ৰান্ত হোৱাৰ আশংকা আছে। চিকিৎসকসকলে কয় যে অত্যধিক বাহিৰৰ খাদ্য, তেল-মচলাযুক্ত খাদ্য, অতিৰিক্ত চেনী আৰু ময়দা খোৱাৰ অভ্যাসেও কৰ্কট ৰোগৰ আশংকা বৃদ্ধি কৰিব পাৰে।কৰ্কট ৰোগৰ আশংকা হ্ৰাস কৰিবলৈ আপুনি প্ৰতিদিনে কিছুমান খাদ্য গ্ৰহণ কৰিব পাৰে৷ সেই খ্যদ্যসমূহ হৈছে -

ব্ৰকলি

এই পাচলিত যথেষ্ট ফাইটোকেমিকেল ছালফোৰাফেন থাকে। যি কৰ্কট কোষৰ সৈতে যুঁজ দিয়াত সহায় কৰে। ইয়াৰ উপৰি  শেহতীয়াকৈ পুৰুষৰ প্ৰষ্টেট কৰ্কটৰোগৰ হাৰো বৃদ্ধি পাইছে। এই মাৰাত্মক ৰোগ প্ৰতিৰোধ কৰিবলৈ ব্ৰকলি দৈনিক খাদ্য তালিকাত  ৰাখিব লাগে। ব্ৰকলিয়ে স্তনৰ কৰ্কট ৰোগ আৰু মলাশয়ৰ ক
ৰ্কট ৰোগৰ আশংকাও হ্ৰাস কৰে।


বেৰিজ

শৰীৰ স্বাস্থ্যৱান কৰি ৰাখিবলৈ  বেৰীৰ দৰে ফল অতি উপকাৰী। বেৰীয়ে কৰ্কট ৰোগৰ  আশংকাও দূৰ কৰে৷ এই ফলত এণ্টিঅক্সিডেণ্টৰ দৰে বহুতো উপকাৰী উপাদান থাকে৷ যি কৰ্কট ৰোগৰ বিৰুদ্ধে যুঁজ দিয়াত সহায় কৰে। গতিকে অন্যান্য ফলৰ সৈতে আপুনি বেৰীও খাব পাৰে।

আপেল

আপেল হৈছে পলিফেনলৰ এক সমৃদ্ধ উৎস। এই এণ্টিঅক্সিডেণ্টে শৰীৰৰ কৰ্কট ৰোগ সৃষ্টিকাৰী কোষবোৰ ধ্বংস কৰাত সহায় কৰে। ফলস্বৰূপে ই কৰ্কট ৰোগৰ দৰে মাৰাত্মক ৰোগৰ বিৰুদ্ধে যুঁজ দিয়াৰ এক অস্ত্ৰ  হ'ব পাৰে। অৱশ্যে কেৱল কৰ্কট ৰোগেই নহয়  হৃদৰোগৰ আশংকা দূৰ কৰিবলৈও  প্ৰতিদিনে এটা আপেল খাওক।

আখৰোট

বহুলোকে প্ৰতিদিনে শুকান ফল খায়। কিন্তু আপুনি জানেনে আখৰোটে কৰ্কট ৰোগৰ আশংকা হ্ৰাস কৰিব পাৰে। আখৰোটত চেলেনিয়াম থাকে যি প্ৰষ্টেট কৰ্কট ৰোগৰ আশংকা হ্ৰাস কৰে। এই মাৰাত্মক ৰোগৰ আশংকা হ্ৰাস কৰিবলৈ, দৈনিক আখৰোট খাদ্য তালিকাত ৰাখিব পাৰে৷ 

গাজৰ

গাজৰৰ অতি  উপকাৰী পাচলি । গাজৰত বহু উপকাৰী উপাদান থাকে, যি কৰ্কট ৰোগৰ দৰে ৰোগৰ আশংকা হ্ৰাস কৰে। স্তনৰ কৰ্কট, মুখৰ কৰ্কট, মূত্ৰাশয়ৰ কৰ্কট - এই তিনিটা ৰোগৰ আশংকা নাইকিয়া কৰিবলৈ নিয়মীয়াকৈ গাজৰ খাব পাৰে।


FOLLOW US F
POPULAR
FEATURE
TRENDY
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ডেটিং এপৰ প্ৰেম: কানাডাৰ পৰা ভাৰতলৈ অহা ৬১ বছৰীয়া মহিলাক বিয়া কৰাবলৈ অস্বীকাৰ যুৱকৰ
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী