ডিজিটেল ডেস্কঃ ক’লা ছাল, ঘন চেলাউৰি আৰু হাঁহিভৰা মুখ! নবৈ দশকত বলীউডত কাজলক এনেদৰেই দেখা গৈছিল। আৰম্ভণিৰে পৰাই কাজলৰ এই ৰূপত পাগল হৈছিল অনেক৷ তাৰ ধূসৰ চকুৰ চাৱনিত দৰ্শক মোহিত হৈ পৰিছিল। কিন্তু তাৰ পিছত হঠাৎ সলনি হ’ব ধৰিল মোহময়ী অভিনেত্ৰীগৰাকী। সেই কাজল আৰু এতিয়াৰ কাজলৰ মাজত যথেষ্ট পাৰ্থক্য আছে। ক'ত গ’ল সেই ক’লা ৰং? কেনেকৈ বগা হ’ল কাজল? এই লৈ চৰ্চাৰ অন্ত নাই। অৱশেষত কাজলে নিজে এই সন্দৰ্ভত প্ৰতিক্ৰিয়া প্ৰকাশ কৰিছে।
শেহতীয়াকৈ তেওঁ এখন ছবি পোষ্ট কৰিছিল। দেখা যায় যে মুখখন ক’লা মাস্কেৰে ঢাকি থোৱা আছে। মাস্কৰ ওপৰতে ছানগ্লাছ পিন্ধি আছে অভিনেত্ৰীগৰাকীয়ে। পিন্ধনত নীলা ৰঙৰ টি-চাৰ্ট। এখন দোকানৰ ভিতৰত তোলা ফটোখনত কাজলে লিখিছে- “প্ৰতিদিনে সুধি থকাসকলৰ বাবে মই ইমান পৰিস্কাৰ কেনেকৈ হ’লোঁ। এইদৰে হ’লো।’’
অভিনেত্ৰীগৰাকীয়ে বুজাব বিচাৰিছে যে এতিয়া তেওঁ ৰ’দৰ পৰা মুখ ঢাকি থাকে, গতিকে ছালখন সুৰক্ষিত। আগতে তেওঁ অসাৱধানতাৰে ৰ’দত ঘূৰি ফুৰিছিল, গতিকে ছালখন ক’লা হৈ পৰিছিল। আচলতে ধেমেলীয়াকৈয়ে তেওঁ এই ছৱি প’ষ্ট কৰিছে।
১৯৯৮ চনত যেতিয়া ‘কুচ কুচ হোতা হায়’ ছবিত অভিনয় কৰিছিল তেতিয়াও তেওঁৰ ৰং আছিল ক’লা। কিন্তু ২০০৬ চনৰ ‘ফানা’ত দেখা গৈছিল যে কাজলৰ ৰং বহু সলনি হৈছে। তাৰপাছৰ পৰাই অভিনেত্ৰীগৰাকীৰ ছালৰ ৰঙক লৈ ব্যস্ত হৈ পৰিছিল চিত্ৰপ্ৰেমীসকল।
