--°C
Loading...
Listen to Article
2 min read
80%
ডিজিটেল ডেস্কঃ কলডিল খাই প্ৰায় সকলো লোকেই ভাল পায়। বহু মানুহৰে প্ৰিয় পাচলি কলডিল। কলডিলৰ ভিতৰত ভীমকলৰ কলডিল অতি সুস্বাদু। সাধাৰণতে বাৰিষাকালত কলডিল ভালেখিনি ৰসাল আৰু স্বাদযুক্ত হোৱা হেতুকে এই সময়ত ই খোৱাৰ বাবে বেছি উপযোগী হৈ পৰে। ক্ৰমান্বয়ে ইয়াৰ চাহিদা বৃদ্ধি পাবলৈ ধৰাত বজাৰত ইয়াৰ দামো বৃদ্ধি পাবলৈ ধৰিছে। কলডিল যথেষ্ট পুষ্টিকাৰক আৰু ঔষধি গুণসম্পন্নও। পাৰ মাংস আৰু কলডিল অসমীয়া সমাজত অত্যন্ত জনপ্ৰিয় ৰেচিপি। 

কোনোৱে কলডিল মিহিকৈ কুটি শুকানকৈ ভাজি খাই ভাল পায়। ইয়াত জালুক, আদা, নহৰু, পিঁয়াজ, জলকীয়া আৰু মচলা সঠিক পৰিমাণত পৰিলে সোৱাদ দুগুণে চৰে। বহুতে কলডিল আৰু বুটৰ ভাজি খাই ভাল পায়। কোনোৱে দাইলৰ লগত মিহলাই জুলীয়া আঞ্জা পছন্দ কৰে। কোনোৱে চাটনি বা ছুপো বনাই খায়। কোনোৱে বইল কৰি পিটিকা কৰি খায়। কিন্তু লাগতিয়াল কথাটো হ’ল, আপুনি যেনেকৈ খালেও কলডিলৰ উপকাৰিতাখিনি পাবই। 

কলডিলত কি কি উপাদান থাকে?

কলডিলত থাকে প্ৰ’টিন, ফেট, কাৰ্ব’হাইড্ৰেট, ফাইবাৰ, কেলচিয়াম, মেগনেছিয়াম, পটাছিয়াম, আইৰন, কপাৰ, ফছফৰাছ, ভিটামিন-ই, ভিটামিন-এ, ভিটামিন-চি, মিথানল আৰু কেইবাবিধো এণ্টিঅক্সিডেণ্ট। কলডিলত থকা ফ্লেভনইড হ’ল কেৱল গছ-গছনিত থকা উপকাৰী ৰাসায়নিক পদাৰ্থ, যাৰ উপস্থিতি হ’ল মানৱ শৰীৰৰ ৰোগ প্ৰতিৰোধক অৰ্থাৎ ইমিউনিটী বঢ়োৱাত সহায়ক। ইয়াত ছ’ডিয়াম, পটাছিয়াম আৰু আয়োডিনো পোৱা যায়।

কলডিলৰ কি কি উপকাৰিতা আছে?

১)কলডিল খালে মানুহৰ তেজ পৰিষ্কাৰ হয়।

২)কলডিল ডায়েবেটিজ ৰোগীয়ে খালে তেজৰ ছুগাৰৰ পৰিমাণ নিয়ন্ত্ৰিত হয়।

৩)ইয়াত আয়ৰণ যথেষ্ট পৰিমাণে থাকে বাবে গৰ্ভৱতী মহিলা আৰু ৰক্তাল্পতাত ভোগা লোকৰ বাবে অতি উত্তম পথ্য।

৪)ইয়াত প্ৰচুৰ পৰিমাণে(আঁহ) থকাৰ হেতুকে কোষ্ঠ-কাঠিন্যত ভোগা লোকৰ বাবে বৰ উপকাৰী।

৫)ভীমকলৰ ডিল নিম্ন ৰক্তচাপত ভোগা ৰোগীৰ বাবে মহৌষধ বুলি কোৱা হয়। 

৬)পেটচলা অথবা গ্ৰহণীৰ সময়ত কলডিলৰ আঞ্জা খালে বেচ সুফল পোৱা যায়।

৭)কলডিলৰ আঞ্জা কলাখাৰযুক্ত কৰি খালে এচিডিটী হ্ৰাস পায়।

৮)ফ্ৰী ৰেডিকেলৰ কু প্ৰভাৱত মানুহ অকালতে বাৰ্ধক্যৰ দিশে গতি কৰে। কলডিলত থকা মিথানল আৰু অন্যান্য এণ্টিঅক্সিডেণ্টে ফ্ৰী ৰেডিকেলছৰ সৈতে যুঁজ দিয়ে। নিয়মীয়াকৈ কলডিল গ্ৰহণ কৰা লোকক সেয়ে অকাল বাৰ্ধক্য, স্নায়ৱিক, মানসিক ৰোগ আৰু কেঞ্চাৰে সহজে স্পৰ্শ নকৰে।

৯) কলডিলত থকা ফাইবাৰে শৌচৰ পৰিমাণ বৃদ্ধি কৰি মল নিষ্কাশনত সহায় কৰে। কলডিলত থকা ফাইবাৰে শৌচ কচা আঁতৰায়। গতিকে গৰ্ভাৱস্থাত হোৱা শৌচৰ অনিয়ম দূৰ কৰিবলৈ কলডিল খুৱাব লাগে। 

১০)কলডিলে আভোক আৰু বদহজমীও দূৰ কৰে।

১১)কলডিলত থকা মেগনেছিয়ামে মানসিক অৱসাদ দুঃচিন্তা আঁতৰোৱাত সহায় কৰে। আগতেই কোৱা হৈছে যে কলডিলে নানাবিধ স্নায়ৱিক ৰোগৰ পৰাও শৰীৰক সুৰক্ষা দিয়ে। ডিপ্ৰেছন আঁতৰাই মুড ভালে ৰখাত কলডিল সহায়ক।

১২)কলডিলে শৰীৰৰ প্ৰজেষ্টৰৰ হৰম’নৰ লেভেল বঢ়ায়, যাৰ ফলত মাহেকীয়া অতিস্ৰাৱ ৰোধ হয়। 

১৩) কলডিলে মাতৃদুগ্ধৰ উৎপাদন বৃদ্ধি কৰা দেখা যায়।

১৪)জৰায়ুক কলডিলে সুৰক্ষা দিয়ে বুলি আয়ুৰ্বেদে কয়।

১৫)শকত লোকসকলে মেদবহুলতা কমাবলৈ কলডিল খোৱা উচিত।

১৬)কলডিলত থকা ভিটামিন-ই আৰু ভিটামিন-চি হ’ল ছালৰ বাবে উপযোগী।

১৭) কলডিল খালে শৰীৰৰ কটা-ছিঙা ঘা সোনকালে শুকোৱা দেখা যায়।

১৮)কলডিল খালে হিম’গ্ল’বিনৰ উন্নতি হয়।

১৯) কলডিলত থকা ভিটামিন আৰু আন লাগতিয়াল তত্ত্বসমূহে শৰীৰক হৃদৰোগৰ পৰা সুৰক্ষা দিয়ে। 

গতিকে বাৰীতে পোৱা কলডিলেই হওক বা বজাৰতে পোৱা কলডিলেই হওক, খাওক আৰু সুস্থ থাকক।







FOLLOW US F
POPULAR
FEATURE
TRENDY
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ডেটিং এপৰ প্ৰেম: কানাডাৰ পৰা ভাৰতলৈ অহা ৬১ বছৰীয়া মহিলাক বিয়া কৰাবলৈ অস্বীকাৰ যুৱকৰ
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী