ডিজিটেল ডেস্কঃ কেকেআৰৰ অধিনায়ক হিচাপে পুনৰ নিযুক্তি শ্ৰেয়স আয়াৰক৷ বৃহস্পতিবাৰে কলকাতা নাইট ৰাইডাৰ্ছৰ চিইঅ’ ভেংকি মহীশূৰে ঘোষণা কৰে যে শ্ৰেয়স আয়াৰে কেকেআৰৰ অধিনায়ক আৰু নীতিশ ৰাণা আইপিএল-২০২৪ৰ বাবে উপ-অধিনায়ক হিচাপে থাকিব।
আঘাতৰ বাবে আই পি এল ২০২৩ৰ পৰা শ্ৰেয়স আয়াৰক দলৰ পৰা বাদ দিয়া হৈছিল আৰু গোটেই ছিজনটোত নীতিশ ৰাণাই অধিনায়ক হিচাপে খোজ দিছিল।তাৰ পাছত ২০২৩ চনৰ এছিয়া কাপত ছেপ্টেম্বৰ-অক্টোবৰ মাহত ক্ৰিকেট একচনলৈ ঘূৰি আহিছিল আয়াৰ, আৰু যোৱা মাহত ভাৰতক ২০২৩ চনৰ বিশ্বকাপৰ ফাইনেলত প্ৰৱেশ কৰাত সহায় কৰিছিল।
উল্লেখ্য যোৱা মাহত গৌতম গম্ভীৰক মুখ্য প্ৰশিক্ষক হিচাপে ফ্ৰেঞ্চাইজিলৈ ঘূৰি অহাটোও নিশ্চিত কৰিছিল নাইট ৰাইডাৰ্ছে। ২০১২ আৰু ২০১৪ চনত কেকেআৰক দুটাকৈ আইপিএল খিতাপ দখল কৰাৰ পাছত গম্ভীৰে ২০১৮ চনৰ ছিজনৰ পূৰ্বে দলটোৱে ৰিলিজ কৰি দিছিল।গম্ভীৰে দুবছৰ অৰ্থাৎ ২০২২ আৰু ২০২৩ চনত লক্ষ্ণৌ ছুপাৰ জায়েণ্টছৰ মুখ্য প্ৰশিক্ষক হিচাপে কাৰ্যনিৰ্বাহ কৰিছিল।
Continue Reading
