ডিজিটেল ডেস্কঃ পৰিৱৰ্তনৰ পছোৱাই স্পৰ্শ কৰিছে অসমৰ ৰাজনীতি৷অসমত গত সময়চোৱাত দেখা গৈছে এক পৰিৱৰ্তিত ৰাজনৈতিক পৰিৱেশ৷কিছু দিনৰ পূৰ্বে বিজেপি নেত্ৰী ইন্দ্ৰানী তহবিলদাৰৰ আত্মহত্যাৰ ঘটনাই জোকাৰি গৈছে সমগ্ৰ ৰাজ্য৷তহবিলদাৰৰ স্বনিধনৰ পাছত অসমত এক নিযুক্তি কেলেংকাৰীৰ প্ৰসংগ সজোৰে উচ্চাৰিত হৈছে৷এইসমূহৰ মাজতে বিজেপিত দেখা গৈছে পুৰণি বনাম নতুন সদস্যৰ সংঘাত৷যাৰ পাছত ৰাজ্যৰ বহু জ্যেষ্ঠ নেতাই মুকলিকৈ অসন্তুষ্টি প্ৰকাশ কৰে৷তদুপৰি এতিয়া অসমত মুখ্যমন্ত্ৰীৰ পত্নী আৰু চৰকাৰী ৰাজসাহায্যৰো এক বিষয় কংগ্ৰেছ সাংসদ গৌৰৱ গগৈয়ে অৱতাৰণা কৰি বিতৰ্কৰ সূত্ৰপাত কৰে৷যাৰ পাছত অসমত এক পৰিৱৰ্তিত ৰাজনৈতিক পৰিৱেশৰ কামনা অসমৰ জনসাধাৰণে কৰা দেখা গৈছে৷
ইপিনে চৰকাৰৰ এইসমূহ বিতৰ্কৰ মাজতে মুখ্যমন্ত্ৰীৰ বিশেষ তদাৰকী শাখাই প্ৰাক্তন সাংসদ ৰাণী নৰহক এক কোটি টকাৰ কেলেংকাৰী সন্দৰ্ভত চমন কৰে৷তদুপৰি আজি ৰাজ্যিক যুৱ কংগ্ৰেছৰ সভাপতি জুবেইৰ আনম মজুমদাৰকো চিআইডি-এ চমন জাৰি কৰে৷বৰ্তমান সময়ত বহুবাৰ কেন্দ্ৰত থকা চৰকাৰখনৰ বিৰুদ্ধে দেশৰ তদন্তকাৰী সংস্থাসমূহক বিৰোধী নেতাসকলৰ বিৰুদ্ধে অপব্যৱহাৰ কৰাৰ অভিযোগ উত্থাপন কৰে৷ঠিক তেনে এই পৰিবেশৰ সৃষ্টি অসম মুলুকতো কৰা হৈছে৷তাক লৈয়ো বহুতো সচেতন ব্যক্তিৰ মাজত প্ৰশ্নৰ উদয় হৈছে৷
Continue Reading
