ডিজিটেল ডেস্ক: অন্ত পৰিল বহুচৰ্চিত কৰ্ণাটক বিধানসভাৰ নিৰ্বাচন৷ বুধবাৰে অনুষ্ঠিত কৰ্ণাটক বিধানসভা নিৰ্বাচনত প্ৰায় ৭০ শতাংশ ভোটদান সম্পন্ন হৈছে৷ বিজেপিৰ সৈতে সমুখ সমৰত নামি পৰিছিল কংগ্ৰেছ৷ এইবেলি কৰ্ণাটকত জেডি (এছ) কিংমেকাৰ হ’ব বুলি ধাৰণা কৰা হৈছে৷
দেশৰ কেইবাটাও সংবাদ প্ৰতিষ্ঠান আৰু এজেন্সীয়ে প্ৰকাশ কৰা নিৰ্বাচনী সমীক্ষাত কৰ্ণাটকত কংগ্ৰেছৰ উত্থানৰ স্পষ্ট ইংগিত দেখা গৈছে৷ সমীক্ষা অনুসৰি, বিজেপিক পিছ পেলাই কংগ্ৰেছ আগুৱাব কৰ্ণাটকত৷ শাসনত থাকিবলৈ বিজেপি সন্মুখীন হ’ব প্ৰত্যাহ্বানৰ৷
ৰিপাব্লিক টিভিৰ সমীক্ষাত কংগ্ৰেছক দিয়া হৈছে ৯৪-১০৮খন আসন৷ বিজেপিক দিয়া হৈছে ৮৫-১০০ খন আসন৷ একেদৰে, JDSক দিয়া হৈছে ২৪-৩২ খন আসন৷ NEWS NATIONৰ সমীক্ষাত বিজেপিৰ ১১৪ আসন আৰু কংগ্ৰেছে ৮৬খন আসন লাভ কৰাৰ সম্ভাৱনা৷ একেদৰে, JAN KI BAATৰ সমীক্ষাত বিজেপিক দিয়া হৈছে ৯৪-১১৭ আসন,
কংগ্ৰেছক দিয়া হৈছে ৯১-১০৬খন আসন৷ TV-9 POL STARTৰ সমীক্ষাত দেখা গৈছে কংগ্ৰেছৰ অগ্ৰগতি৷ কংগ্ৰেছক দিয়া হৈছে ৯৯-১০৯খন আসন আৰু বিজেপিৰ ৮৮-৯৮ খন আসনত জয়ৰ সম্ভাৱনা দেখা গৈছে৷
AXISৰ সমীক্ষাতো পৰিলক্ষিত হৈছে কংগ্ৰেছৰ অগ্ৰগতি৷ কংগ্ৰেছে লাভ কৰাৰ সম্ভাৱনা আছে ১২২ৰ পৰা ১৪০খন আসন৷ বিপৰীতে, বিজেপিক দিয়া হৈছে ৬২-৮০খন আসন৷ JDSএ ২০-২৫খন আসন লাভ কৰাৰ সম্ভাৱনা৷ ABP NEWS C VOTERৰ মতে, কংগ্ৰেছ সৰ্বাধিক ১০০-১১২খন আসন লাভ কৰিব৷
বিজেপিয়ে ৮৩-৯৫খন আসন লাভ কৰাৰ সম্ভাৱনা৷ JDSএ ২০-২৯খন আসন লাভ কৰাৰ সম্ভাৱনা৷ TIMES NOWৰ সমীক্ষাতো দেখা গ’ল কংগ্ৰেছৰ অগ্ৰগতি৷ কংগ্ৰেছে ১১৩খন আসন লাভ কৰাৰ সম্ভাৱনা৷ ৮৫খন আসন লাভৰ সম্ভাৱনা আছে বিজেপিৰ৷ JDS লাভ কৰাৰ সম্ভাৱনা ২৩খন আসন৷
কৰ্ণাটক বিধানসভাত মেজিক নম্বৰ ১১৩৷ অধিকাংশ সমীক্ষাতে ওলোমা বিধানসভাৰ ইংগিত পোৱা গৈছে৷ নিৰ্ণায়ক শক্তি হোৱাৰ দিশে JDSৰ ভূমিকা৷
Continue Reading
