কংগনাৰ আকৌ কি হ'ল? টুইটাৰত নিষিদ্ধ হৈ ইনষ্টাগ্ৰামত জাৰিলে ক্ষোভ

ডিজিটেল ডেস্ক : পুনৰ বিতৰ্কত কংগনা ৰানাৱট! প্ৰায়ে বিতৰ্কিত মন্তব্য প্ৰদান কৰি বলীউডৰ অভিনেত্ৰীগৰাকীয়ে লাভ কৰি আহিছে সংবাদ শিৰোনাম৷ ইতিমধ্যে বিভিন্ন বিতৰ্কীত মন্তব্য প্ৰদান কৰি অহাৰ বাবে বহু সময়ত কংগনাৰ বিৰুদ্ধে গোচৰ ৰুজু হৈ আহিছে৷ পদ্মশ্ৰী সন্মান লাভ কৰা বিতৰ্কিত অভিনেত্ৰীগৰাকীয়ে এইবাৰ দক্ষিণৰ এখন চলচ্চিত্ৰক লৈ কৰা মন্তব্যৰ পাছতে পুনৰ সোমাই পৰিছে বিতৰ্কত৷ কংগনা ৰানাৱটে এইবাৰ ইনষ্টাগ্ৰাম একাউন্টৰ জৰিয়তে প্ৰদান কৰা এক মন্তব্যক লৈ জোকাৰণিৰ সৃষ্টি হৈছে৷ দক্ষিণৰ এখন ছবিৰ সমলৰ বিষয়ে উল্লেখ কৰাৰ পাছতে বিভিন্নজনে ব্যক্ত কৰিছে প্ৰতিক্ৰিয়াৰ। অভিনেত্ৰীগৰাকীয়ে চলচ্চিত্ৰসমূহৰ সফলতাৰ কাৰণো ব্যাখ্যা কৰিছে। লগতে কংগনাই বলীউডক দুৰ্নীতিগ্ৰস্ত হ'বলৈ নিদিবলৈও পৰামৰ্শ আগবঢ়াইছে। উল্লেখ্য যে কংগনা ৰানাৱটক টুইটাৰৰ পৰা নিষিদ্ধ কৰাৰ পাছৰে পৰা অভিনেত্ৰীগৰাকী ইনষ্টাগ্ৰাম একাউন্টত সক্ৰিয় হৈ থকা দেখিবলৈ পোৱা যায় আছে। কংগনাই তেওঁৰ পোষ্টত লিখিছিল, ‘দক্ষিণৰ চলচ্চিত্ৰ আৰু সেইবোৰৰ সমল ভাল তাৰ তিনিটা কাৰণ আছে। তেওঁ ভাৰতীয় সংস্কৃতিৰ শিপাৰ সৈতে গভীৰভাৱে জড়িত। সেই লোকসকলে সঁচাকৈয়ে তেওঁলোকৰ নিজৰ পৰিয়াল আৰু সম্পৰ্ক ভাল পায়, তেওঁলোকে পশ্চিমীয়াৰ দৰে ভাও নলয়। তাত থকা মানুহৰ পেছাদাৰীতা আৰু আৱেগ অবিশ্বাস্য। একে সময়তে, কংগনাই দক্ষিণ উদ্যোগক পৰামৰ্শ দিছিল যে, তেওঁলোকক বলীউডক দুৰ্নীতিগ্ৰস্ত কাম কৰিবলৈ অনুমতি দিয়া উচিত নহয়। কেইবাখনো সফল ছবিৰ নায়িকা কংগনাই প্ৰায়ে কৰা মন্তব্যক লৈ একপ্ৰকাৰৰ ধুমুহাৰ সৃষ্টি কৰি আহিছে৷ অভিনেত্ৰীগৰাকীৰ মন্তব্যৰ বাবে টুইটাৰত নিষিদ্ধ হোৱাৰ উপৰি শতাধিক গোচৰো ৰুজু হৈছে কংগনাৰ বিৰুদ্ধে৷