ডিজিটেল ডেস্কঃ অৱশেষত কংগনা ৰানাৱটে প্ৰযোজক হিচাপে অভিষেক ঘটালে আমাজন প্ৰাইম ভিডিঅ’ৰ ‘টিকু ৱেডছ শ্বেৰু’ৰ জৰিয়তে। ইয়াত অভিনয় কৰিছে নৱাজুদ্দিন ছিদ্দিকী আৰু অভনীত কৌৰে। কংগনাৰ প্ৰডাকচন হাউছ মণিকৰ্ণিকা ফিল্মছৰ ছবিখনে সমালোচক আৰু দৰ্শকৰ পৰা সহাৰিও লাভ কৰিছে।
শেহতীয়া সাক্ষাৎকাৰত নৱাজে অভিনেত্ৰীগৰাকীৰ সাহসক প্ৰশংসা কৰে। কয় যে, “চলচ্চিত্ৰ জগতৰ সমস্যাসমূহক লৈ মুখ খোলাৰ ক্ষেত্ৰত কংগনা অতি স্বচ্ছ আৰু সৎ।’’
নৱাজে কয়- “কংগনাই একমাত্ৰ ব্যক্তি যিয়ে তাই কৰা কামবোৰৰ বিষয়ে ক’বলৈ সাহস কৰে। বহুতে অনুভৱ কৰে যে সত্য তিতা৷ আমাৰ উদ্যোগৰ বিষয়বোৰৰ ওপৰত কথা ক’বলৈ কিমান মানুহৰ সাহস আছে? কংগনা সঁচাকৈয়ে আচৰিত।”
তেওঁ কয়, ‘আমি কেতিয়াও সহ-অভিনেতা হিচাপে একেলগে কাম কৰাৰ প্ৰস্তাৱ পোৱা নাছিলো যদিও মই তেওঁৰ সৈতে অতি সোনকালে এখন ছবিত কাম কৰাৰ আশা কৰিছো আৰু ই এক প্ৰেম কাহিনী হোৱাটো কামনা কৰিছো।
Continue Reading
