ডিজিটেল ডেস্কঃ যোৱা ১৬ জানুৱাৰীৰ পুৱা ছেইফ আলী খানক ঘৰত অনুপ্ৰৱেশকাৰীয়ে চোকা মাৰণাস্ত্ৰৰে আক্ৰমণ কৰিছিল। এই ঘটনাত ছেইফে বহু গুৰুতৰভাৱে আহত হৈছে। লীলাৱতী চিকিৎসালয়ত চিকিৎসাধীন হৈ আছে অভিনেতাজন। ইফালে ছেইফৰ পত্নী তথা অভিনেত্ৰী কৰীনা কাপুৰে আৰক্ষীক নিজৰ বক্তব্যৰে সেই নিশাৰ গাৰ নোম শিয়ৰি উঠা সেই ঘটনা অৱগত কৰে ৷
ছেইফ আলী খানৰ ওপৰত হোৱা আক্ৰমণ সন্দৰ্ভত কৰীনা কাপুৰ খানৰ বক্তব্যও মুম্বাই আৰক্ষীয়ে ৰেকৰ্ড কৰিছে। কৰীনাই নিজৰ বিবৃতিত এই সমগ্ৰ ঘটনা বিতংভাৱে প্ৰকাশ কৰিছে।
কৰীনাই বিবৃতিটোত কয় যে ৰাতি প্ৰায় ১ বজাত ঘৰলৈ উভতি আহিছিল তেওঁ। আচলতে কৰীনা কাপুৰ, কৰিশ্মা কাপুৰ আৰু ৰিয়া কাপুৰৰ লগত ওলাই গৈছিল আৰু ৰিয়া কাপুৰৰ ড্ৰাইভাৰে কৰীনাক ঘৰত থৈ গুচি যায় ।
আৰক্ষীৰ সূত্ৰৰ পৰা পোৱা তথ্য অনুসৰি কৰীনাই নিজৰ বিবৃতিত আৰক্ষীক জনাইছে যে অভিযুক্তই যেতিয়া ঘৰত প্ৰৱেশ কৰিছিল তেতিয়া তেওঁ অতি আক্ৰমণাত্মক আছিল কিন্তু তেওঁ ঘৰৰ পৰা একো চুৰি কৰা নাছিল।
কৰীনা কাপুৰে কয় যে আক্ৰমণকাৰীজন অতি আক্ৰমণাত্মক আছিল আৰু তেওঁ আমাৰ কনিষ্ঠ পুত্ৰ জাহাংগীৰৰ কোঠাত আছিল। আমি ভাবিছিলো যে আক্ৰমণকাৰীয়ে জাহাংগীৰক আক্ৰমণ কৰিবলৈ ওলাইছে। ঘৰৰ ল’ৰা-ছোৱালী আৰু মহিলাসকলক ৰক্ষা কৰিবলৈ ছেইফে আক্ৰমণকাৰীক বাধা দিবলৈ চেষ্টা কৰে। মহিলাকেইগৰাকীয়ে হস্তক্ষেপ কৰিবলৈ চেষ্টা কৰিছিল আৰু ছেইফে তেওঁক বাধা দিবলৈ চেষ্টা কৰাৰ সময়তো অভিযুক্তই জাহাংগীৰৰ ওচৰ পাব পৰা নাছিল।
এই কাজিয়াৰ সময়ত আক্ৰমণকাৰীয়ে ছেইফক কেইবাবাৰো আক্ৰমণ কৰে। আক্রমণকাৰীয়ে যেতিয়া ছাইফক আক্রমণ কৰি আছিল, তেতিয়া মই সুযোগতে ল’ৰা-ছোৱালীকেইটাক দ্বাদশ মহলালৈ পঠিয়াই দিলোঁ৷ ঘৰৰ পৰা একো চুৰি কৰা নাছিল আক্ৰমণকাৰীয়ে। ঘৰৰ বাকচত আছিল গহনা।
Continue Reading
