ডিজিটেল ডেস্কঃ কঁঠাল গুটি অসমীয়াৰ আৱেগ। কঁঠাল খাই মানুহে বৰ ভালপায় লগতে কঁঠাল গুটিও। কঁঠালৰ মুচি তৰকাৰীও অসমীয়া সমাজত অতি জনপ্ৰিয়।
কঁঠালৰ গুটিবোৰো পুষ্টিকৰ গুণেৰে সমৃদ্ধ এক উত্তম আহাৰ বুলি সৰ্বজনবিদিত। সাধাৰণতে কঁঠালৰ গুটিসমূহ মানুহে দাইলত দি অথবা পিটিকা কৰি খোৱা দেখা যায়।
মিহি মিহিকে কাটি তেলত ভাজিও, জুইত পুৰিও কঁঠাল গুটি খোৱা হয়।
জানো আহক কঠালৰ গুটিসমূহৰ গুণাগুণ সম্পৰ্কে -
(১) কঠালৰ বীজত ডাইট্ৰি ফাইবাৰ প্ৰচুৰ পৰিমাণে থাকে আৰু কেলৰি কম পৰিমাণে পোৱা যায়, যাৰ ফলত ই ওজন হ্ৰাস কৰাত সহায়ক হয় ।
(২) কঠালৰ বীজত মেগনেচিয়াম, মেংগানিজৰ দৰে পোষক তত্ব অধিক পৰিমাণে পোৱা যায়, যি হাড়বিলাকত হোৱা কেলচিয়ামৰ অৱশোষণত সহায়ক হয়। লগতে ই শৰীৰৰ ৰক্ত সঞ্চালন প্ৰক্ৰিয়া সুচল কৰি তোলাত সহায় কৰে।
(৩) কঠালৰ বীজত ষ্টাৰছ পোৱা যায়, যি আমাৰ শৰীৰক শক্তি প্ৰদান কৰে। শক্তিৰ বাবে ই এবিধ সুন্দৰ উৎস, যি সোৱাদযুক্তও হয় ।
(৪) কঠালৰ বীজত এণ্টি অক্সিডেণ্ট যথেষ্ট পৰিমাণে পোৱা যায়, যি বৰ্ধিত বয়সৰ গতি মন্থৰ কৰাৰ লগতে আপোনাক অৱসাদ মুক্ত কৰি ৰখাত যথেষ্টখিনি সহায়ক হয় ।
(৫) কঠালৰ বীজত লিগ্নেন্ছ, আইছফলেবন্ছ, চেপনিন্ছ তথা অন্য লাভজনক ফাইটনিউট্ৰিয়েন্ছ পোৱা যায়, যি শাৰীৰিক তথা মানসিক স্বাস্থ্যৰ বাবে উপকাৰী ।
(৬) ইয়াৰ আইৰণ হিম'গ্লবিন আৰু লোহিত ৰক্ত কনিকা বৃদ্ধি কৰি ৰক্তহীনতা বা এনিমীয়া দূৰ কৰে। মহিলাসকলৰ বাবে ই এক অপৰিহাৰ্য আহাৰ।
(৭) কঁঠালৰ গুটিয়ে কোষ্ঠকাঠিন্য আৰু ইয়াত থকা ডায়েট্ৰি ফাইবাৰে পাচন সমস্যা সমাধান কৰে।
(৮) ইয়াৰ ভিটামিন-এ ই স্বাস্থ্য উন্নত কৰে। ভিটামিন এৰ অভাৱত হোৱা কুকুৰীকনা ৰোগ নিৰাময় কৰাৰ লগতে চকুত ছানি পৰা প্ৰতিৰোধ কৰে।
(৯) ইয়াৰ মেঙ্গানীজে তেজ গোট মৰা (ব্লাড ক্লটিং) প্ৰতিৰোধ কৰে।
(১০) কঁঠাল গুটিৰ আইৰণে যৌনস্বাস্থ্য উন্নত কৰে। পৰম্পৰাগত চিকিৎসাত কঁঠালগুটি পুৰি খালে যৌনশক্তি বৃদ্ধি হয়।
(১১) ইয়াৰ প্ৰটীনে পেশী নিৰ্মাণত সহায় কৰে। আহাৰত কঁঠালৰ গুটি সংযোজন পেশী নিৰ্মাণকাৰী (শৰীৰ চৰ্চা বা বডি বিল্ডাৰ) সকলৰ বাবে দৰকাৰী।
(১২) ৰিংকল বা কম বয়সত মুখত দেখা দিয়া বয়সৰ আচুঁৰ নিৰাময় কৰে। ইয়াৰ এন্টি-অক্সিডেন্টে ফ্ৰী ৰেডিকেল্চ প্ৰতিৰোধ কৰি ৰিংকল নোহোৱা কৰে। বাকলি পৰিস্কাৰ কৰি গুটি কেঁচা গাখীৰৰ লগত পিহি পেস্ট বনাই দৈনিক ১-২ বাৰ মুখত সানিলে ৰিংকল্ঢ নোহোৱা হয়।
(১৩) মুখৰ ছাল উজ্বল কৰিবলৈ গুটিৰ বাকলি আৰু ভিতৰৰ ৰঙা ৰঙৰ ছাল পৰিস্কাৰ কৰি কেঁচা গাখীৰ আৰু মৌৰ লগত পিহি পেস্ট বনাই মুখত লেপিব। শুকালে কুহুমীয়া গৰম পানীৰে ধুব।
(১৪) ইয়াৰ ভিটামিন - এ ই চুলিৰ স্বাস্থ্য উন্নত কৰে। আইৰণে মূৰৰ ছালত ৰক্ত সঞ্চালন বৃদ্ধি কৰি চুলিৰ স্বাস্থ্য উন্নত কৰে। মানসিক অৱসাদ দূৰ কৰে।
ওপৰৰ কথাখিনিৰ পৰা এটা কথাই অনুধাৱন কৰিব পাৰি যে পুষ্টিকৰ ফল কঁঠালৰ গুটিবোৰৰো বহু গুণাগুণ আছে। কঁঠালগুটি এনে এক পুষ্টিকৰ খাদ্য যিয়ে আমাৰ শৰীৰৰ যতন লয়। সেয়েহে কঁঠাল গুটিৰ জুতি লওক আৰু স্বাস্থ্যবান হৈ থাকক।
