গুৱাহাটী: ৰাজ্যৰ শিক্ষা খণ্ডৰ উন্নয়ন আৰু শিক্ষক-কৰ্মচাৰীসকলৰ কল্যাণৰ বাবে অসম কেবিনেটে কেইবাটাও গুৰুত্বপূৰ্ণ পদক্ষেপে অনুমোদন জনাইছে। লোকভৱনত অনুষ্ঠিত এক সংবাদ মেলত মুখ্যমন্ত্ৰী হিমন্ত বিশ্ব শৰ্মাই কেবিনেটৰ এই সিদ্ধান্তসমূহ আনুষ্ঠানিকভাৱে প্ৰকাশ কৰে।
সংবাদ মেলত মুখ্যমন্ত্ৰীয়ে ঘোষণা কৰা অনুসৰি, সমগ্ৰ শিক্ষা অভিযানৰ অধীনত কাৰ্যৰত হৈ থকা অৱস্থাত মৃত্যু হোৱা শিক্ষক আৰু বিষয়াৰ পৰিয়াললৈ আগবঢ়োৱা এককালীন অর্থনৈতিক সাহায্যৰ পৰিমাণ বৃদ্ধি কৰা হৈছে। পূৰ্বতে এই সাহায্যৰ পৰিমাণ ৫ লাখ টকা আছিল যদিও বৰ্তমান ইয়াক বৃদ্ধি কৰি ৭.৫ লাখ টকা কৰা হৈছে।
শিক্ষাৰ্থীসকলৰ সুবিধাৰ বাবে ৰাজ্য চৰকাৰে অব্যাহত ৰখা মাছুল ৰেহাই আঁচনিৰ অধীনত মহাবিদ্যালয়সমূহক ক্ষতিপূৰূপ প্ৰদানৰ বাবেও কেবিনেটে পুঁজি অনুমোদন জনাইছে। এই আঁচনিৰ জৰিয়তে শিক্ষাৰ্থীসকলে নামভৰ্তিৰ মাছুল পৰিশোধ কৰিব নোলাগে, যাৰ ফলত মহাবিদ্যালয়সমূহৰ স্বাভাৱিক কাম-কাজত যাতে কোনো ব্যাঘাত জন্ম নহয়, তাৰ বাবে চৰকাৰে পুঁজি মুকলি কৰি দিয়ে। এই উদ্দেশ্যে কেবিনেটে ১০৮ কোটি টকা অনুমোদন জনাইছে আৰু এই ধনৰাশি পোনপটীয়াকৈ মহাবিদ্যালয়সমূহলৈ স্থানান্তৰ কৰা হ’ব।
ইয়াৰ উপৰি, পাঠদান আৰু শিক্ষণ সামগ্ৰী বিকশিত কৰাৰ লক্ষ্যৰে ভাৰতীয় প্ৰযুক্তিবিদ্যা প্ৰতিষ্ঠান (আইআইটি) গুৱাহাটীৰ গৱেষণা উদ্যানৰ সৈতে সহযোগিতা কৰাৰ সিদ্ধান্ত লৈছে ৰাজ্য চৰকাৰে।
Continue Reading
