ডিজিটেল ডেস্কঃ অসমীয়া জলপানসমূহ অসমীয়া খাদ্য-সংস্কৃতিৰ এক সন্মানীয় অংগ। চিৰা অসমীয়া জলপানসমূহৰ ভিতৰত অন্যতম। মানৱ জীৱনত ৰাতিপুৱাৰ আহাৰৰ বিশেষ গুৰুত্ব থাকে। ৰাতিপুৱাৰ আহাৰত বহু মানুহেই চিৰা খায়। চিৰাত আৱশ্যকীয় ভিটামিন, প্ৰ’টিন, কেলচিয়াম, স্নেহ পদার্থ যথেষ্টভাৱে নিহিত থাকে। ৰাতিপুৱাৰ আহাৰত চিৰা সপ্তাহত কমেও দুই বা চাৰিবাৰ খাব লাগে। কাৰণ চিৰা বহু পুষ্টিৰে সমৃদ্ধ।
অসমীয়া সমাজত সাধাৰণতে দৈ, গাখীৰ, গুড়, চেনি, কলৰ সৈতে চিৰা জলপান হিচাপে খোৱা হয়, যিটো অতি পুষ্টিকৰ আৰু তৃপ্তিদায়ক।ইয়াক খোৱাৰ বহুতো স্বাস্থ্য উপকাৰিতা আছে। চিৰা স্বাস্থ্যৰ বাবে অত্যন্ত উপকাৰী, সহজপাচ্য আৰু পুষ্টিকৰ জলপান। ই শৰীৰত তাৎক্ষণিক শক্তি যোগায়, আইৰণৰ পৰিমাণ বৃদ্ধি কৰে, আৰু চাউলৰ তুলনাত কম কেলৰি থকাৰ বাবে ওজন হ্ৰাস কৰাত সহায় কৰে। ইয়াত থকা প্ৰ'বায়'টিকে হজম ক্ষমতা উন্নত কৰে, লগতে উচ্চ ৰক্তচাপ আৰু ৰোগ প্ৰতিৰোধ ক্ষমতা শক্তিশালী কৰাত সহায় কৰে। ৰাতিপুৱাৰ আহাৰত চিৰা কিয় খাব লাগে জানো আহক।
চিৰাৰ প্ৰধান স্বাস্থ্য উপকাৰিতা সমূহ:
১)সহজপাচ্য আৰু শক্তিদায়ী: চিৰা সহজে হজম হয় আৰু পুৱাৰ আহাৰত খালে শৰীৰক তাৎক্ষণিক শক্তি প্ৰদান কৰে।
২) আইৰণৰ উৎস: চিৰাত প্ৰচুৰ পৰিমাণে আইৰণ থাকে, যিয়ে শৰীৰত তেজৰ পৰিমাণ বৃদ্ধি কৰে আৰু এনিমিয়া ৰোধ কৰাত সহায় কৰে।
৩) ওজন হ্ৰাসত সহায়ক: কম কেলৰি আৰু অধিক আঁহ (Fiber) থকাৰ বাবে, ৰাতিপুৱাৰ আহাৰত চিৰা খালে ওজন নিয়ন্ত্ৰণত থাকে।
৪) হজম ক্ষমতা উন্নত কৰে: দৈত থকা প্ৰ'বায়'টিকৰ সৈতে চিৰা খালে পেটৰ স্বাস্থ্য ভালে থাকে আৰু হজম শক্তি বৃদ্ধি হয়।
৫) ৰক্ত শৰ্কৰাৰ নিয়ন্ত্ৰণ: তেজত চেনিৰ মাত্ৰা নিয়ন্ত্ৰণ কৰাত সহায়ক, যিটো ডায়েবেটিছ ৰোগীৰ বাবে উপকাৰী।
৬) কম চৰ্বি: চাউলৰ তুলনাত চিৰাত চৰ্বিৰ পৰিমাণ কম, যাৰ বাবে ইয়াক স্বাস্থ্যসন্মত খাদ্য বুলি গণ্য কৰা হয়।
৭) গেছ বা বদহজমৰ কোনো সমস্যা নাইঃ ৰাতিপুৱাৰ আহাৰত চিৰা অন্তৰ্ভুক্ত কৰিলে গেছ আৰু বদহজমৰ দৰে সমস্যা নহয়। একে সময়তে, কোষ্ঠকাঠিন্য হ্ৰাস হোৱাত চিৰাই সহায় কৰে। ইয়াক খোৱাৰ ফলত পেট গধুৰো নহয়।
সাধাৰণতে চিৰা মিঠা জলপান হিচাপে খোৱা হয় যদিও কিছুমানে কেতিয়াবা ইয়াক নিমখীয়া হিচাপেও গ্ৰহণ কৰে। নিমখীয়াকে প্ৰস্তুত কৰিবলৈ হ’লে তিয়াই থোৱা চিৰাখিনি কম তেল ব্যৱহাৰ কৰি ভাজিব লাগে আৰু তাত ভিন্ন পাচলি, কাজু-কিচমিচ আদি ব্যৱহাৰ কৰা হয়। যেনেদৰে খালেও চিৰাৰ পৰা শৰীৰে পুষ্টি লাভ কৰে।
গতিকে অসমীয়া স্বাস্থ্যসন্মত জলপান চিৰা খাই নিজেও স্বাস্থ্যৱান হৈ থাকক আৰু পৰিয়ালটোকো স্বাস্থ্যৱান কৰি ৰখাত গুৰুত্ব প্ৰদান কৰক।
Continue Reading
