বলীউড অভিনেত্ৰী কংগনা ৰাণাৱটে সদায় ছ’চিয়েল মিডিয়াত কিবা নহয় কিবা পোষ্ট শ্বেয়াৰ কৰি থাকে। সাধাৰণতে দেশৰ গৰম বিষয়বোৰৰ ওপৰত মাত মাতি থকাৰ উপৰিও বিতৰ্কমূলক কথা কিছুমান কৈয়ো চৰ্চাত থাকে কংগনা। কেতিয়াবা অভিনেত্ৰীগৰাকীয়ে

Listen to Article

2 min read

80%

ডিজিটেল ডেস্কঃ বলীউড অভিনেত্ৰী কংগনা ৰাণাৱটে সদায় ছ’চিয়েল মিডিয়াত কিবা নহয় কিবা পোষ্ট শ্বেয়াৰ কৰি থাকে। সাধাৰণতে দেশৰ গৰম বিষয়বোৰৰ ওপৰত মাত মাতি থকাৰ উপৰিও বিতৰ্কমূলক কথা কিছুমান কৈয়ো চৰ্চাত থাকে কংগনা। কেতিয়াবা অভিনেত্ৰীগৰাকীয়ে অনুৰাগীসকলক নিজৰ ব্যক্তিগত জীৱনৰ সৈতেও পৰিচয় কৰাই দিয়ে। শেহতীয়াকৈ কংগনা ৰাণাৱটে নিজৰ জীৱনৰ আটাইতকৈ ঘনিষ্ঠ ব্যক্তিগৰাকীৰ শেহতীয়া ফটো শ্বেয়াৰ কৰিছে। এই ব্যক্তিগৰাকী আন কোনো নহয়... তেওঁৰ মাতৃ আশা ৰাণাৱট। ফটোখনৰ সমান্তৰালকৈ কংগনাই মাকৰ প্ৰশংসাত কিছু কথা কৈছে।

Kangana Ranaut's mother thanks Amit Shah for support, says family was Congress loyalist but will support BJP now | Bollywood - Hindustan Times

কংগনাই এই ফটোখন টুইটাৰত শ্বেয়াৰ কৰিছে য’ত তেওঁৰ মাতৃয়ে অতি উৎসাহেৰে খেতিৰ কামত নিয়োজিত হৈ থকা দেখা গৈছে। ডাঙৰ পথাৰ এখনৰ মাজত বহি কংগনাৰ মাতৃক কিবা কাম কৰি থকা দেখা গৈছে। ফটোখনৰ লগতে কংগনাই কেপচনত লিখিছে- ''এইজনী মোৰ মা যিয়ে প্ৰতিদিনে ৭-৮ ঘণ্টা খেতি কৰে। প্ৰায়ে মানুহে আমাৰ ঘৰলৈ আহি মোক কয় যে আমি আপোনাৰ মাতৃক লগ পাব বিচাৰো। অতি নম্ৰতাৰে মোৰ মায়ে হাত ধুই চাহ-পানী দি কয় যে ময়ে কংগনাৰ মা। তেতিয়া মানুহৰ চকু থৰ লাগি থতমত খাই যায়।''

কংগনাই লগতে লিখিলে- ''এবাৰ মই মাক ক’লোঁ যে ইমানবোৰ মানুহ ঘৰলৈ আহে, সকলোৰে বাবে নিজে চাহ-খাদ্য প্ৰস্তুত কৰাৰ কি প্ৰয়োজন, তেওঁ ক’লে তেনে কথা নহয়, আমি সৌভাগ্যৱান যে তোমাক ইমান বিচৰা মানুহক আমি সেৱা আগবঢ়াব পাৰো। ধন্য মোৰ মা আৰু তেওঁৰ চৰিত্ৰ।''

ইয়াৰ উপৰিও অৱশ্যে কংগনাই মাতৃৰ ওপৰত এটা অভিযোগ থকা বুলিও কয়। কংগনাই কয় যে- ''এটা অভিযোগ আছে, মোৰ মায়ে ছবিৰ চেটত আহিব নিবিচাৰে, বাহিৰত খাব নিবিচাৰে, কেৱল ঘৰৰ খাদ্যহে খায়, মুম্বাইত থাকিব নিবিচাৰে, বহিঃৰাজ্যলৈ যাব নিবিচাৰে। আৰু যদি আমি জোৰ কৰি লৈ যাওঁ, তেন্তে বহুত বকবকনি শুনিবলগীয়া হয়।''

কংগনাৰ এই পষ্ট ভাইৰেল হৈ পৰিছে। অনেক লোকে মন্তব্য কৰি কয় যে ''সাধাৰণতে ছুপাৰষ্টাৰৰ পিতৃ-মাতৃক এনে ৰূপত দেখা নাযায় কিন্তু আপোনাৰ মাতৃৰ এই সাধাৰণ জীৱন শৈলীয়ে আমাক আপ্লুত কৰিছে।''

No jugad like desi jugad,' says Kangana Ranaut sharing photo of her mother cooking in the sun | Celebrities News – India TV

উল্লেখ্য যে কংগনা ৰাণাৱটে মাতৃক বহুত সন্মান কৰে আৰু তেওঁক বহুত ভাল পায়। মাতৃ আশা ৰাণাৱটৰ সৈতে তেওঁ ছ'চিয়েল মিডিয়াত ফটো শ্বেয়াৰ কৰি থাকে আৰু সকলো কামৰ বাবে মাকক ধন্যবাদ জনায়। ৱৰ্ক ফ্ৰণ্টৰ কথা ক’বলৈ গ’লে কংগনা ৰাণাৱটক শেষবাৰৰ বাবে ২০২২ চনত 'ধাকড়' চিনেমাত দেখা গৈছিল। ছবিখনে অনুৰাগীৰ পৰা ভাল সঁহাৰি নাপালে। বৰ্তমান তেওঁ তেজস, টিকু ৱেডছ শ্বেৰু, চন্দ্ৰমুখী ২ আৰু ইমাৰ্জেন্সিৰ কামত ব্যস্ত হৈ আছে।