ডিজিটেল ডেস্কঃ মোবাইল ফোন হেৰুৱালে বিৰাট কোহলীয়ে। শেহতীয়াকৈ বিৰাটে নিজৰ টুইটাৰ হেণ্ডেলত অনুৰাগীসকলক জনাইছে যে তেওঁৰ নতুন ফোনটো হেৰুৱাইছে। বিৰাটে টুইটাৰত লিখিছে- “বাকচৰ পৰাও উলিয়াই অনাৰ আগতেই ফোন এটা হেৰুৱাই পেলোৱাতকৈ বেছি দুখৰ কথা একোৱেই নাই।”
বিৰাটে টুইট কৰাৰ লগে লগে নেটিজেনসকলৰ মাজত বিভিন্ন মন্তব্য আৰম্ভ হয়। খাদ্য ডেলিভাৰী কোম্পানী জ’মাট’-ৱেও (Zomato) মন্তব্য কৰে। এনে পৰিস্থিতিত তেওঁলোকে বিৰাটে কি কৰা উচিত সেই কথা প্ৰকাশ কৰে কোম্পানীটোৱে।
সংস্থাটোৱে টুইট কৰি কয় যে, “যদি আপুনি বিপদত পৰে, তেন্তে এই পৰিস্থিতিত আপুনি বৌদিৰ (অনুষ্কা শৰ্মাৰ) ফোনত আইচক্ৰীমৰ অৰ্ডাৰ দিব পাৰে।”
জ’মাট’ৰ এই টুইট ভাইৰেল হোৱাৰ পিছতে নেটিজেনৰ মাজত চৰ্চা হয়। বিৰাটৰ এই ক্ষতিক লৈ একাংশই যথেষ্ট চিন্তিত। এজনে লিখিছে, “অনুষ্কাই যদি ছুইগি ব্যৱহাৰ কৰে তেন্তে কি হ’ব?” আন এজনে লিখিছে, “জ’মাট’ই ব্যৱসায়িক সুযোগ ক’ত ল’ব লাগে সেয়া বহুত ভালদৰে বুজি পায়। কোম্পানীক প্ৰচাৰ কেনেকুৱা পৰিস্থিতিত কৰিলে লাভজনক হ'ব সেই বিষয়ে জ’মাট’ৰ বহুত ভাল জ্ঞান আছে!''
Continue Reading
