ডিজিটেল ডেস্ক: শীঘ্ৰে ঘোষণা হ’ব কৰ্ণাটকৰ নতুন মুখ্যমন্ত্ৰীৰ নাম৷ দেওবাৰে কংগ্ৰেছ বিধায়িনী দলে সভাপতি মল্লিকাৰ্জুন খৰ্গেক মুখ্যমন্ত্ৰীকেন্দ্ৰিক সিদ্ধান্ত গ্ৰহণৰ বাবে কৰ্তৃত্ব প্ৰদান কৰে৷
শেহতীয়াকৈ কৰ্ণাটকৰ নতুন মুখ্যমন্ত্ৰীৰ দৌৰ তীব্ৰ হোৱাৰ লগে লগে বিশেষ সূত্ৰৰ পৰা জানিব পৰা গৈছে যে ছিদ্দাৰামাইয়াই দলীয় নেতৃত্বৰ ওচৰত এটা নতুন প্ৰস্তাৱ আগবঢ়াইছে৷ ছিদ্দাৰামায়াৰ প্ৰস্তাৱ অনুসৰি তেওঁ দুবছৰৰ বাবে মুখ্যমন্ত্ৰী হ’ব পাৰে, আনহাতে ডি কে শিৱকুমাৰে বাকী তিনি বছৰৰ বাবে চৰকাৰখন পৰিচালনা কৰিব পাৰে।
ছিদ্দাৰামাইয়াই কৈছিল যে যিহেতু তেওঁৰ বয়স হৈ আহিছে, তেওঁ কংগ্ৰেছ চৰকাৰৰ প্ৰথমাৰ্ধটো কমেও অহা বছৰৰ লোকসভা নিৰ্বাচনলৈকে চলাব বিচাৰে। অৱশ্যে, ডি কে শিৱকুমাৰে প্ৰস্তাৱটো নাকচ কৰিছিল আৰু ৰাজস্থান আৰু ছত্তীশগড়ৰ প্ৰসংগ উল্লেখ কৰিছিল বুলি ধাৰণা কৰা হয়। কংগ্ৰেছ বিধায়িনী দলে (চিএলপি) কৰ্ণাটকৰ পৰৱৰ্তী মুখ্যমন্ত্ৰী বাছনি কৰিবলৈ কংগ্ৰেছ সভাপতি মল্লিকাৰ্জুন খাৰ্গেক অনুমোদন জনাই এক সৰ্বসন্মত প্ৰস্তাৱ গৃহীত কৰে।
ইফালে, ছিদ্দাৰামায়াই দলৰ জ্যেষ্ঠ নেতাসকলক সাক্ষাৎ কৰিবলৈ দিল্লীলৈ ৰাওনা হৈছে আনহাতে কংগ্ৰেছ নেতা ৰণদীপ সিং সুৰজেৱালাই কয় যে কৰ্ণাটকৰ দলীয় পৰ্যবেক্ষকসকলে আজি নিশাৰ ভিতৰত মল্লিকাৰ্জুন খৰ্গেৰ ওচৰত প্ৰতিবেদন দাখিল কৰিব।
আনহাতে, কংগ্ৰেছ নেতা ডি কে শিৱকুমাৰ আবেলি ৪ বজাত দিল্লীলৈ ৰাওনা হৈছে৷ পুৱা কংগ্ৰেছ নেতা আৰু কৰ্ণাটকৰ মুখ্যমন্ত্ৰী পদৰ দাবীদাৰ ছিদ্দাৰামায়ায়ো দলৰ জ্যেষ্ঠ নেতাসকলক লগ কৰিবলৈ বেংগালুৰুৰ পৰা দিল্লীলৈ উৰা মাৰিছে৷
Continue Reading
