ডিজিটেল ডেস্কঃ সমগ্ৰ দেশতে ড্ৰাগছ বিৰোধী অভিযান চলি থকাৰ মাজতে ক্ৰমাৎ দেশত বৃদ্ধি পাইছে ড্ৰাগছ সৰবৰাহ। সোমবাৰে ভাৰত মহাসাগৰত জব্দ কৰা হৈছে কোটি কোটি টকাৰ মূল্যৰ ড্ৰাগছ। দেওবাৰৰ দিনটোত নাৰ্কোটিক কন্ট্ৰোল ব্যু'ৰ (এন চি বি) আৰু ভাৰতীয় নৌ সেনাৰ যুটীয়া অভিযানত এখন জাহাজত ২৫ হাজাৰ কোটি টকাৰ মূল্যৰ বিভিন্ন ধৰণৰ ড্ৰাগছ জব্দ কৰা হয়।
এনচিবিৰ এজন বিষয়াই সদৰী কৰা অনুসৰি জব্দ কৰা ড্ৰাগছখিনিৰ পৰিমাণ ২৫২৪ কিলোগ্ৰাম। জব্দকৃত ড্ৰাগছসমূহৰ মুঠ ১৩৪ বস্তা জাহাজৰ পৰা উদ্ধাৰ কৰা হৈছিল। আৰু উদ্ধাৰ হোৱা ড্ৰাগছৰ প্ৰতিটো পেকেটত ১ কেজিকৈ ড্ৰাগছ আছিল বুলি উল্লেখ কৰিছে এনচিবিৰ এজন বিষয়াই। ২৫ হাজাৰ কোটি টকাৰ মূল্যৰ ড্ৰাগছ জব্দ কৰাটো বৃহৎ সাফল্য হিচাপে বিবেচিত হৈছে।
ড্ৰাগছ সৰবৰাহৰ জড়িত থকা অভিযোগত এজন পাকিস্তানী নাগৰিক গ্ৰেপ্তাৰ হৈছে। অভিযুক্ত বিদেশী নাগৰিকগৰাকীক সোমবাৰৰ সন্ধিয়া আদালতত হাজিৰ কৰোৱা হ'ব।
উল্লেখ্যে যে এন চি বিৰ উপ সঞ্চালক সঞ্জয় সিঙে জনোৱা অনুসৰি জব্দকৃত ড্ৰাগছৰ পাকিস্তানৰ পৰা অনা হৈছে। আৰু এই বৃহৎ পৰিমাণৰ ড্ৰাগছখিনি ভাৰত, শ্ৰীলংকা আৰু মালদ্বীপলৈ সৰবৰাহৰ বাবে অনা হৈছিল।
Continue Reading
