ডিজিটেল ডেস্কঃ বৰ্ণাঢ্য কেৰিয়াৰত তেওঁ অলেখ বলাৰৰ মুখামুখি হৈছে। কিন্তু ইয়াৰ মাজতে তেওঁ কাক শ্ৰেষ্ঠ বুলি ভাৱে? যশপ্ৰীত বুমৰাহ, নে ৰবিচন্দ্ৰন অশ্বিন? নাই, বিৰাট কোহলীয়ে কোনো ভাৰতীয় বলাৰৰ নাম উল্লেখ কৰা নাই। তেওঁ সন্মুখিন শ্ৰেষ্ঠ বলাৰজন হৈছে দক্ষিণ আফ্ৰিকাৰ প্ৰাক্তন পেচাৰ ডেল ষ্টেইন।
তাৰকা পেচাৰ ষ্টেইনে আই পি এলত ৰয়েল চেলেঞ্জাৰছ বেংগালুৰুৰ হৈ খেলিছিল। সেইবাবেই কোহলীয়ে পেচাৰজনক অতি নিবিড়ভাৱে দেখিছে। আই পি এলৰ প্ৰাক্তন সতীৰ্থ এ বি ডি ভিলিয়াৰ্ছৰ সৈতে ইউটিউব ভিডিঅ’ত বিৰাটে ষ্টেনৰ নাম উল্লেখ কৰে। ডি ভিলিয়াৰ্ছে তেওঁক সুধিলে- ''কোনে তোনাক খেলিবলৈ বেছি সমস্যাত পেলাই?’’
উত্তৰত বিৰাটে ক’লে, “মই ষ্টেইনৰ নাম ক’ম। তেওঁৰ বিৰুদ্ধে দেশৰ হৈ খেলিছিলো। আই পি এলতো তেওঁৰ বিৰুদ্ধে খেলিছিলো। ষ্টেইন যেতিয়া আৰ চি বিত আছিল তেতিয়া তেওঁক নেটত খেলাটো কঠিন আছিল। ষ্টেইনে যিকোনো পৰিস্থিতিত খাপ খাই পাৰিছিল। মই আন কাৰোবাৰ ক্ষেত্ৰত তেনেকুৱা দেখা নাই।''
ষ্টেইনে ২০০৮ চনৰ পৰা ২০১০ চনলৈকে আৰচিবিৰ হৈ খেলিছিল। ইয়াৰ পিছত ২০১৯ চনত পুনৰ বাংগালুৰু শিবিৰত যোগদান কৰে ষ্টেইনে। আই পি এলত মুঠ ৯৫খন মেচ খেলিছে ষ্টেইনে। ৯৭টা উইকেট দখল কৰে।
দক্ষিণ আফ্ৰিকাৰ হৈ ষ্টেইনে মুঠ ২৬৫খন খেল খেলিছিল। আন্তঃৰাষ্ট্ৰীয় ক্ৰিকেটত মুঠ ৬৯৯টা উইকেট দখল কৰিছে। ইয়াৰ ভিতৰত দক্ষিণ আফ্ৰিকাৰ এই পেচাৰগৰাকীয়ে ৯৩খন টেষ্টত ৪৩৯টা, ১২৫খন এদিনীয়া মেচত ১৯৬টা আৰু ৪৭খন টি-২০ মেচত ৬৪টা উইকেট দখল কৰিছে।
Continue Reading
