ডিজিটেল ডেস্কঃ কোটি কোটি টকাৰ বিনিময়ত ডেভিদ মিলাৰে নিজৰ বিবাহ বাতিল কৰিছিল। বাংলাদেশ প্ৰিমিয়াৰ লীগৰ শেষৰ তিনিখন মেচ খেলাৰ বাবে তেওঁক ১ কোটি ২৪ লাখ টকা দিয়া হৈছিল। বাংলাদেশলৈ আহি বিয়া বাতিল কৰিলে। এই বিস্ফোৰক মন্তব্য ৱাছিম আক্ৰমৰ।
দক্ষিণ আফ্ৰিকাৰ মিলাৰে আই পি এলত গুজৰাট টাইটানছৰ হৈ খেলে। বাংলাদেশ প্ৰিমিয়াৰ লীগত ফৰ্চুন বৰিছালৰ হৈ খেলিছিল। এইবাৰ প্ৰতিযোগিতাত জয়লাভ কৰে। যোৱা তিনিখন মেচ খেলিবলৈ মিলাৰে ১ কোটি ২৪ লাখ টকা লৈছিল। পাকিস্তানত এক অনুষ্ঠানত এই কথা কয় আক্ৰমে।
পাকিস্তানৰ প্ৰাক্তন পেচাৰগৰাকীয়ে কয়, ‘পাকিস্তান ছুপাৰ লীগত ব্যস্ত থকাৰ বাবে বাংলাদেশ প্ৰিমিয়াৰ লীগ বিচৰা হোৱা নাছিল। কিন্তু শুনা মতে যোৱা তিনিখন মেচৰ বাবে তেওঁ ১ কোটি ২৪ লাখ টকা লৈছিল। মিলাৰে নিজৰ বিয়াখনো পিছুৱাই দিলে।"
১ মাৰ্চত বাংলাদেশ প্ৰিমিয়াৰ লীগৰ ফাইনেল। ১০ মাৰ্চত মিলাৰৰ বিবাহ হয়। আই পি এলৰ ১২ দিন পূৰ্বে গুজৰাট টাইটানছৰ বেটছমেন ডেভিদ মিলাৰে বিবাহপাশত আবদ্ধ হয়। দেওবাৰে তেওঁ দীৰ্ঘদিনীয়া প্ৰেমিকা কেমিলা হেৰিছৰ সৈতে বিবাহপাশত আবদ্ধ হয়। কেপ টাউনত অনুষ্ঠিত হয় এই বিবাহ অনুষ্ঠান। হেৰিছ এজন পেছাদাৰী প’ল’ খেলুৱৈ।
বাংলাদেশ প্ৰিমিয়াৰ লীগ খেলি ঘৰলৈ উভতি আহে দক্ষিণ আফ্ৰিকাৰ ক্ৰিকেটাৰগৰাকী। হেৰিছৰ লগত বাংলাদেশলৈ গৈছিল। আই পি এল আৰম্ভ হোৱাৰ আগতেই মিলাৰে এই বিবাহ সমাপ্ত কৰাৰ পৰিকল্পনা কৰিছিল। সেই হিচাপে দেওবাৰৰ শুভ কাম সম্পন্ন হয়। মিলাৰ আৰু হেৰিছে ছ’চিয়েল মিডিয়াত ক্ৰিকেট অনুৰাগীৰ সৈতে বিবাহ অনুষ্ঠানৰ ছবি আৰু ভিডিঅ’ শ্বেয়াৰ কৰে।
Continue Reading
