ডিজিটেল ডেস্কঃ বছৰটোৰ শেষত দেশত পুনৰ কোভিডে মূৰ দাঙি উঠিছে। কৰোনাৰ নতুন উপপ্ৰকাৰে চাৰিওফালে আতংক বৃদ্ধি কৰিছে। এনে সময়তে কোভিডৰ সৈতে মোকাবিলা কৰিবলৈ তাজমহলত এটা নতুন পদক্ষেপ গ্ৰহণ কৰা হৈছে। দৰ্শনাৰ্থীসকলে এতিয়াৰে পৰা এই নতুন নিয়মটো মানি চলিব লাগিব।
কৰোনা 'বিএফ.৭'ৰ নতুন প্ৰকাৰৰ বাবে চীনত সংক্ৰমণ দ্ৰুতগতিত বিয়পি পৰিছে। ইয়াৰ পিছতে ভাৰতৰো বিভিন্ন ৰাজ্যত কৰোনাৰ সৈতে মোকাবিলা কৰিবলৈ পদক্ষেপ গ্ৰহণ কৰা হৈছে। তাজমহলত প্ৰৱেশ কৰাৰ আগতে দৰ্শনাৰ্থীসকলৰ বাবে কৰোনা পৰীক্ষা বাধ্যতামূলক কৰা হৈছে। পৰীক্ষা কৰাৰ পিছত প্ৰতিবেদন চোৱাৰ পিছতহে দৰ্শনাৰ্থীসকলক তাজমহলত প্ৰৱেশ কৰিবলৈ অনুমতি দিয়া হ'ব। জিলা প্ৰশাসনে কৈছে যে এই পদক্ষেপটো লোৱা হৈছে যাতে সংক্ৰমণ বৃদ্ধি নাপায়।
আগ্ৰাৰ জিলা স্বাস্থ্য তথ্য বিষয়া অনিল সৎসঙ্গীয়ে কয়, "সংক্ৰমণ প্ৰতিৰোধ ৰখাৰ বাবে কোভিড-১৯ পৰীক্ষাত গুৰুত্ব দিয়া হৈছে। দৰ্শনাৰ্থীসকলৰ বাবে কৰোনা পৰীক্ষা বাধ্যতামূলক কৰা হৈছে। ''
দেশ আৰু বিদেশৰ বহু লোকে প্ৰতিদিনে তাজমহল দৰ্শন কৰিবলৈ আহে। সকলো দৰ্শনাৰ্থীৰে ক্ষেত্ৰত এই নিয়ম প্ৰযোজ্য হ’ব।
Continue Reading
