ডিজিটেল ডেস্কঃ এক শোকাৱহ ঘটনাই জোকাৰি গৈছে উত্তৰ প্ৰদেশক। ছয় বছৰীয়া ছাত্ৰী আৰ্টিকাই পঢ়ি থকা সময়তে মুখত ছাৰ্পনাৰ লৈ পেঞ্চিলৰ জোঙা কৰিবলৈ গৈ কৰুণ মৃত্যুক সাৱটি লয়।পেঞ্চিলৰ গুড়িবোৰ হঠাতে শিশুটিৰ ডিঙিৰ ভিতৰলৈ গৈ সোপা মাৰি ধৰে। ফলত ঠাইতে ঢলি পৰে আৰ্টিকা।
শোকাৱহ ঘটনাটো ঘটিছে উত্তৰ প্ৰদেশৰ হামিৰপুৰৰ পাহাৰী বীৰ গাঁৱত । ছাত্ৰীগৰাকীয়ে তেওঁৰ ভাই-ভনীৰ সৈতে ঘৰৰ চাদত পঢ়ি আছিল।
লিখোঁতে আৰ্টিকাই দেখিলে যে পেঞ্চিলৰ মুখখন ভোটা হৈ পৰিছে। পেঞ্চিলডাল জোঙা কৰিবলৈ আৰ্টিকাই মুখত ছাৰ্পনাৰটো চেপি ধৰি পেঞ্চিলডল জোঙা কৰিবলৈ ধৰে। তেতিয়াই ঘটে অঘটনটো। ছাৰ্পনাৰৰ পৰা পেঞ্চিলৰ গুড়ি ওলাই আহিবলৈ ধৰিলে আৰু সেইবোৰে ছাত্ৰীগৰাকীৰ ডিঙিত সোপা মাৰি ধৰে। আৰতিকাই উশাহ ল'ব নোৱাৰাত তেওঁৰ ভাই-ভনীসকলে চিঞৰি চিঞৰি মাক-দেউতাকক মাতে।
ছাত্ৰীগৰাকীক ততাতৈয়াকৈ এখন স্থানীয় চিকিৎসা কেন্দ্ৰলৈ লৈ যোৱা হয়, য'ত চিকিৎসকে তেওঁক মৃত বুলি ঘোষণা কৰে। চিকিৎসকে আৰ্টিকাই শ্বাসৰুদ্ধ হৈ মৃত্যু বৰণ কৰা বুলি কয়।
Continue Reading
