--°C
Loading...
Listen to Article
2 min read
80%
ডিজিটেল ডেস্ক: ভাৰতৰ মষ্ট ৱাণ্টেড সন্ত্ৰাসবাদী তথা পাকিস্তানভিত্তিক কট্টৰ ইছলামিক সন্ত্ৰাসবাদী সংগঠন জঈছ-ই-মহম্মদৰ মুৰব্বী মাছুদ আজহাৰ বৰ্তমান ক’ত আছে? সন্ত্ৰাসবাদী গৰাকীৰ বৰ্তমানৰ আশ্ৰয়স্থলক লৈ দীৰ্ঘদিন ধৰি নানা চৰ্চা চলি আহিছে। ভাৰতে পোনপটীয়াকৈ মাছুদক পাকিস্তানে ৰাজনৈতিক আশ্ৰয় প্ৰদান কৰি অহাৰ অভিযোগ তুলি আহিছে যদিও দেশখনে এই অভিযোগ বাৰে বাৰে অস্বীকাৰ কৰি আহিছে। শেহতীয়াকৈ এই বিষয়ত বিবাদত নামি পৰিছে আন এখন চুবুৰীয়া ৰাষ্ট্ৰ আফগানিস্তান। মাছুদৰ আশ্ৰয়ক কেন্দ্ৰ কৰি তালিবান শাসিত আফগানিস্তান আৰু পাকিস্তানৰ মাজত এতিয়া পাৰস্পৰিক বিবাদৰ সূত্ৰপাত হৈছে।

যোৱা বুধবাৰে তালিবানৰ মুখপাত্ৰ জাবিহুল্লাহ মুজাহিদে পাকিস্তানী সংবাদ মাধ্যমে মাছুদ আজহাৰ বৰ্তমান আফগানিস্তানত আছে বুলি এক প্ৰতিবেদন প্ৰকাশ কৰাৰ পিছত এই দাবী প্ৰত্যাখ্যান কৰিছিল। মুজাহিদে লগতে মাছুদ পাকিস্তানতে আছে বুলি দৃঢ়তাৰে দাবী কৰি এনে সন্ত্ৰাসবাদী সংগঠনে পাকিস্তানৰ মাটিত, আনকি পাকিস্তান চৰকাৰৰ প্ৰত্যক্ষ পৃষ্ঠপোষকতাতো কাম কৰিব পাৰে বুলি অভিযোগ কৰিছিল।

তালিবানৰ এই অভিযোগৰ পিছতে এইবাৰ পাকিস্তানৰ বৈদেশিক মন্ত্ৰী বিলাৱাল ভুট্টো জাৰ্দাৰীয়ে ওলোটাই মাছুদক আশ্ৰয় দিয়াৰ দোষ ঠেলিছে আফগানিস্তানলৈ। ভুট্টো জাৰ্দাৰীয়ে কয় যে আজহাৰ এতিয়া কেৱল ভাৰত আৰু পাকিস্তানৰ মাজৰে সমস্যা হৈ থকা নাই। আজহাৰ বৰ্তমান ভাৰত, পাকিস্তান আৰু আফগানিস্তানৰ মাজত ত্ৰিপাক্ষিক বিষয় হৈ পৰিছে বুলি তেওঁ মন্তব্য কৰিছে।

উল্লেখ্য যে পাকিস্তানে তালিবান চৰকাৰলৈ মাছুদ আজহাৰক ইছলামাবাদৰ হাতত হস্তান্তৰ কৰাৰ দাবীৰে এখন পত্ৰ প্ৰেৰণ কৰিছিল। পাকিস্তানৰ বৈদেশিক মন্ত্ৰালয়ৰ এজন শীৰ্ষ বিষয়াই মঙলবাৰে দেশৰ সংবাদ মাধ্যমৰ আগত উল্লেখ কৰিছিল যে মাছুদ আজহাৰ বৰ্তমান আফগানিস্তানত আছে বুলি পাকিস্তান নিশ্চিত আৰু সেয়ে মাছুদ আজহাৰক গ্ৰেপ্তাৰ কৰি ইছলামাবাদলৈ ঘূৰাই পঠাবলৈ আফগান বৈদেশিক মন্ত্ৰালয়লৈ এক পত্ৰ প্ৰেৰণ কৰা হৈছে। 

আনহাতে তালিবান মুখপাত্ৰ মুজাহিদে পাকিস্তানৰ দাবী খণ্ডন কৰি ইছলামাবাদৰ দ্বাৰা আফগানিস্তানৰ সন্মুখত তেনে কোনো দাবী উপস্থাপন কৰা নাই বুলি মন্তব্য কৰিছিল। "জঈছ-ই-মহম্মদৰ মুৰব্বী আজহাৰ আফগানিস্তানত নাই। এনে সংগঠনবোৰে পাকিস্তানৰ মাটিত, আনকি চৰকাৰী পৃষ্ঠপোষকতাতো কাম কৰিব পাৰে। আমি কোনো সন্ত্ৰাসবাদীক আন কোনো দেশৰ বিৰুদ্ধে আফগানিস্তানৰ মাটি ব্যৱহাৰ কৰিবলৈ নিদিওঁ।"— এক বিবৃতিত মুজাহিদে লগতে দাবী কৰিছিল।

উল্লেখ্য যে মাছুদ আজহাৰ কেৱল ভাৰতৰে নহয়, বিশ্ব সম্প্ৰদায়ৰ দ্বাৰাও ম’ষ্ট ৱাণ্টেড সন্ত্ৰাসবাদী হিচাপে স্বীকৃত হৈছে। ২০০১ চনৰ ভাৰতৰ সাংসদ ভৱন আক্ৰমণ, পুলৱামা আক্ৰমণকে ধৰি আন কেইবাটাও ভয়াৱহ আক্ৰমণৰ মাষ্টাৰ মাইণ্ড আছিল মাছুদ আজহাৰ। ২০১৯ চনত ৰাষ্ট্ৰসংঘৰ নিৰাপত্তা পৰিষদে মাছুদক গোলকীয় সন্ত্ৰাসবাদী হিচাপে ঘোষণা কৰিছিল।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ