কঠিন সময়ত তুমি ৰাষ্ট্ৰৰ কাষত আছা, মই তোমাক লৈ গৌৰৱান্বিত! জেলেনস্কিক কোনে কৰিলে এই মন্তব্য...

ডিজিটেল ডেস্কঃ ভলোডিমিৰ জেলেনস্কি। সকলোৰে বাবে তেওঁ বৰ্তমান হৈ পৰিছে আদৰ্শ। পবিত্ৰ জন্মভূমিক বচাবলৈ সন্মুখৰ নেতৃত্ব দি ব্যক্তিজনেই হৈছে জেলেনস্কি। শত্ৰু ৰাষ্ট্ৰখনৰ আক্ৰমণ প্ৰতিহত কৰিবলৈ তেওঁ দেৱালৰ দৰে ঢাল হৈ আছে। এনেদৰেই জেলেনস্কি সমগ্ৰ বিশ্বৰ বাবে 'নায়ক' হৈ পৰিছে, সকলোৱে তেওঁক প্ৰশংসা কৰিছে। এইবাৰ তেওঁৰ পত্নী ওলেনা জেলেনস্কাক তেওঁৰ বাবে এক আৱেগিক বাৰ্তা দিয়া দেখা গৈছিল। স্বামীৰ সাহসৰ প্ৰতি প্ৰশংসা প্ৰকাশ কৰি তেওঁ কয় যে, "মই সদায়ৰ দৰে আজিও কঠিন সময়ত মোৰ স্বামীৰ কাষত থিয় দি আহিছো।'' ৰাষ্ট্ৰপতিৰ দৰে, ইউক্ৰেইনৰ ফাৰ্ষ্ট লেডীয়ে ও চচিয়েল মিডিয়াত দেশৰ সাম্প্ৰতিক পৰিস্থিতি উন্নীত কৰিবলৈ নিৰন্তৰভাৱে প্ৰচেষ্টা অব্যাহত ৰাখিছে। । তেওঁ ইনষ্টাগ্ৰামত লিখিছে, "মোৰ মৰমৰ ইউক্ৰেনীয়ানসকল, "মই কোনো কাৰণতে ভয় খোৱা নাই আৰু নাখাও। মোৰ চকুতো চকুপানী নাই। মই শান্ত। মই আত্মবিশ্বাসী। মই এতিয়াও মোৰ স্বামীৰ পক্ষত আছোঁ। মই তেওঁৰ বাবে গৌৰৱান্বিত। '' ১৯৭৮ চনত ইউক্ৰেইনৰ ক্ৰিভি ৰিখত ফাৰ্ষ্ট লেডী ওলেনা জেলেনস্কাৰ জন্ম হয়। প্ৰাৰম্ভিক জীৱনত তেওঁ অভিযন্তা হিচাপে কাম কৰিছিল। পিছলৈ তেওঁ নিজৰ কেৰিয়াৰ সলনি কৰে আৰু এজন লেখক হিচাপে প্ৰতিষ্ঠিত হয়। ইয়াৰ উপৰিও, ওলেনা হৈছে ভাৰতল ৯৫ নামৰ এটা প্ৰযোজনা গৃহৰ সহ-প্ৰতিষ্ঠাপক। তদুপৰি, লিংগ সুৰক্ষা আৰু সংস্কৃতিৰ ক্ষেত্ৰত মহিলা কংগ্ৰেছৰ গুৰুত্বপূৰ্ণ নেতা হিচাপেও ওলেনা জেলেনস্কাই এক প্ৰভাৱ পেলাইছে। এটা ভিডিঅ' বাৰ্তাত জেলেনস্কিয়ে নিজেই কৈছিল, "মই শত্ৰুৰ হিটলিষ্টত আছোঁ। ৰাছিয়াই মোৰ পৰিয়ালক আক্ৰমণ কৰাৰ পৰিকল্পনাও আছে। ৰাছিয়াই ৰাষ্ট্ৰপ্ৰধানক আক্ৰমণ কৰি সমগ্ৰ দেশক ৰাজনৈতিকভাৱে ধ্বংস কৰিবলৈ চেষ্টা কৰি আছে। ইউক্ৰেইনৰ ৰাষ্ট্ৰপতি এতিয়াও ৰাজধানী কিয়েভত আছে, যদিও তেওঁৰ মূৰত মৃত্যুৰ ঘণ্টা ওলমি আছে। জেলেনস্কিয়ে কৈছিল, "মই কিয়েভত থাকিম। মোৰ পৰিয়ালো ইয়াত আছে। এটা ভিডিঅ' বাৰ্তাত জেলেনস্কিয়ে কৈছিল যে: "সততা হৈছে আমাৰ অস্ত্ৰ। আমি হাৰিব নোৱাৰিম। দেশ হৈচে, আমাৰ মাতৃভূমি, পিতৃভূমি আমাৰ সন্তান সকলো।