ডিজিটেল ডেস্ক
স্থানীয় সংবাদ মাধ্যমৰ সূত্ৰ অনুসৰি , পাকিস্তানৰ প্ৰাক্তন প্ৰধানমন্ত্ৰী ইমৰান খানক কঢ়িয়াই নিয়া এখন বিমানৰ চলন্ত অৱস্থাতে কাৰিকৰী বিজুতিৰ ঘটে৷ কাৰিকৰী বিজুতিৰ জৰুৰী অৱতৰণ কৰা হয়৷ আৰু কথমপি দুৰ্ঘটনাৰ পৰা ৰক্ষা পৰে পাকিস্তানৰ প্ৰধানমন্ত্ৰীজন৷
পাকিস্তানৰ এটা স্থানীয় টিভি চেনেলৰ প্ৰতিবেদনৰ মতে , ইমৰান খানে শনিবাৰে এটা ৰেলীত অংশ ল’বলৈ এখন বিশেষ বিমানেৰে গুজৰানৱালালৈ গৈ আছিল।এই সময়তে কাৰিকৰী বিজুতি ঘটিছিল বিমানখনৰ৷ অৱশ্যে বিমানখনৰ পাইলটজনে নিয়ন্ত্ৰণ টাৱাৰৰ সৈতে যোগাযোগ কৰি আৰু বিমানখন সুৰক্ষিতভাৱে অৱতৰণ কৰিবলৈ সক্ষম হৈছিল। উল্লেখ্য যে, ইমৰান খানে জৰুৰী অৱতৰণৰ পিছত স্থল পথেৰে গুজৰানৱালালৈ পুনৰ যাত্ৰা কৰিছিল৷
গুজৰানৱালাত অনুষ্ঠিত সমদলত ভাষণ দি পাকিস্তান তেহৰিক-ই-ইনচাফৰ অধ্যক্ষজনে পোনপটীয়াকৈ জনসাধাৰণক সম্বোধন কৰে আৰু সতৰ্ক কৰি দিয়ে যে, যদি দেশ আৰু অৰ্থনীতিৰ অৱনতি ঘটে ,তেন্তে বৰ্তমানৰ চৰকাৰক ইয়াৰ বাবে দায়বদ্ধ কৰা হ'ব।
উক্ত সভাত পাকিস্তান চৰকাৰে দেশ আৰু অৰ্থনীতিক তললৈ লৈ গৈছে বুলিও তেওঁ মন্তব্য কৰে৷
উল্লেখ্য যে,পাকিস্তানৰ প্ৰাক্তন প্ৰধানমন্ত্ৰীজন এগৰাকী মহিলা ন্যায়াধীশৰ বিৰুদ্ধে বিতৰ্কিত মন্তব্য কৰাৰ বাবে আদালত অৱমাননাৰ অভিযোগৰ অভিযুক্ত হৈ আছে৷
Continue Reading
