কঠোৰ কেন্দ্ৰীয় চৰকাৰ, দেশৰ লাখ লাখ কৃষকে ‘প্ৰধানমন্ত্ৰী কিষাণ সন্মান নিধি’ৰ ধন দিব লাগিব ওভতাই

ডিজিটেল ডেস্ক : প্ৰধানমন্ত্ৰী কিষাণ সন্মান নিধিৰ সুবিধা লোৱা লাখ লাখ কৃষকৰ বাবে এটা ডাঙৰ খবৰ। যদি আপুনিও এই চৰকাৰী আঁচনিৰ সুবিধা লৈছে, তেন্তে এতিয়া ২০০০ টকা ঘূৰাই দিব লাগিব। এই সন্দৰ্ভত জাননী জাৰি কৰিছে কেন্দ্ৰীয় চৰকাৰে। উল্লেখ্য যে ইউ পিৰ প্ৰায় ২১ লাখ অযোগ্য কৃষকে এই চৰকাৰী আঁচনিৰ সুবিধা গ্ৰহণ কৰি আহিছে।

 ধন কিয় ঘূৰাই দিব লাগিব?

উত্তৰ প্ৰদেশৰ কৃষি মন্ত্ৰী সূৰ্য প্ৰতাপ শ্বাহীয়ে এই সন্দৰ্ভত জাননী প্ৰেৰণ কৰিছে। তেওঁ কৈছে যে প্ৰায় ২১ লাখ কৃষকক এই পৰীক্ষণত অযোগ্য বুলি ধৰাত পৰিছে। এই আঁচনিৰ অধীনত এতিয়ালৈকে দিয়া সম্পূৰ্ণ ধন উভতাই দিব লাগিব এইসকল লোকে। যিসকল অযোগ্য লোকে এই চৰকাৰী আঁচনিৰ সুবিধা ভুলকৈ গ্ৰহণ কৰি আছে তেওঁলোকে এই ধন ঘূৰাই দিব লাগিব।

 চলিত মাহৰ শেষলৈ দিয়া ধন হ’ব-

লগতে তেওঁ কয় যে চলিত মাহৰ শেষৰ ফালে পি এম কিষাণৰ দ্বাদশ কিস্তি মুকলি কৰা হ’ব, কিন্তু এই কিস্তিৰ ধন কে ৱাই চি প্রক্রিয়া সম্পূর্ণ কৰা লোকসকলৰ একাউণ্টলৈহে স্থানান্তৰ কৰা হ’ব৷ ইয়াৰ লগতে তেওঁলোকৰ পৰীক্ষণো কৰা হ’ব।

 ২০০০ টকা ৩ কিস্তিত উপলব্ধ-

ইয়াৰ সমান্তৰালকৈ কৃষকসকলক অতিশীঘ্ৰে তেওঁলোকৰ ডাটা আপলোড কৰিবলৈ আহ্বান জনাইছে মন্ত্ৰীগৰাকীয়ে, যাতে তেওঁলোকৰ একাউণ্টলৈ ধন ট্ৰেন্সফাৰ কৰিব পৰা যায়। ২০০০ টকাৰ ৩ কিস্তি চৰকাৰে কৃষকক মুকলি কৰি দিয়ে। এই আঁচনিৰ অধীনত প্ৰতিজন যোগ্য কৃষকক তিনিটা কিস্তিত ধন আদায় দিয়া হয়।