ডিজিটেল ডেস্কঃ কুকুৰৰ স’তে খেলি থাকোতেই হৃদৰোগত আক্ৰান্ত হ’ল থাইলেণ্ডৰ ৰাজকুমাৰী বজ্ৰাকতিয়াভা। জানিব পৰা মতে, যোৱা বুধবাৰে হৃদৰোগত আক্ৰান্ত হয় ৪৪ বছৰীয়া ৰাজকুমাৰীগৰাকী।
হৃদৰোগত আক্ৰান্ত হোৱাৰ পাছতে বেংককৰ এখন চিকিৎসালয়ত ভৰ্তি কৰোৱা হয়। ৰাজপ্ৰসাদৰ তৰফৰ পৰা এক বিবৃতি যোগে শেহতীয়াকৈ ৰাজকুমাৰীৰ স্বাস্থ্য কিছু পৰিমাণে সুস্থিৰ বুলি প্ৰকাশ কৰিছে।
উল্লেখ্য যে ৰাজকুমাৰী বজ্ৰাকতিয়াভা ৰজাৰ প্ৰথমা পত্নী ৰাজকুমাৰী সোমসাৱালীৰ জ্যেষ্ঠ কন্যা। বহুকেইটা ৰাজকাৰ্যৰ স’তে জড়িত হৈ আহিছে ৰাজকুমাৰীগৰাকী। ২০১২ চনৰ পৰা ২০১৪ চনলৈকে ৰাজকুমাৰী বজ্ৰাকতিয়াভাই অষ্ট্ৰিয়াত থাইলেণ্ডৰ ৰাষ্ট্ৰদূত হিচাপে দায়িত্ব পালন কৰিছিল।
আমেৰিকাৰ দুখন বিশ্ববিদ্যালয়ৰ পৰা আইন বিষয়ত স্নাতকোত্তৰ ডিগ্ৰী লাভ কৰিছিল ৰাজকুমাৰীগৰাকীয়ে। বজ্ৰাকতিয়াভা ৰাজপৰিয়ালৰ ভিতৰৰ আটাইতকৈ সক্ৰিয় আৰু সপ্ৰতিভ ব্যক্তি।
ৰজা বাজিৰালংকৰ্ণেৰ পাছত ৰাজকুমাৰী বজ্ৰকতিয়াভাকে সৰ্বাধিক উপযুক্ত উত্তৰাধিকাৰী হিচাপে গণ্য কৰা হয়।
