ক’ভিডৰ বিৰুদ্ধে আন এখন যুঁজ, ৮২ বছৰীয়া ব্ৰিয়ান প্ৰথম যোদ্ধা

লণ্ডন : ক’ভিড-১৯ৰ বিৰুদ্ধে আন এখন যুঁজ আৰম্ভ হ’ল ইংলেণ্ডত। দেশখনত সোমবাৰে আৰম্ভ কৰা হ’ল ক’ভিড-১৯ৰ প্ৰতিষেধক প্ৰদানৰ কাম। অক্সফ’ৰ্ড বিশ্ববিদ্যালয়ে এষ্ট্ৰাজেনেকাৰ সৈতে উদ্ভাৱন কৰা প্ৰতিষেধকৰ জৰিয়তে এই ক’ভিড প্ৰতিৰোধী যুদ্ধ আৰম্ভ কৰিছে। অক্সফ’ৰ্ড বিশ্ববিদ্যালয় হাস্পতালে টুইটযোগে সদৰী কৰিছে যে ব্ৰিয়ান পিংকাৰ নামৰ এগৰাকী ৮২ বছৰীয়া বৃক্কৰ ৰোগত আক্ৰান্ত ৰোগীক প্ৰথমপালি প্ৰতিষেধক প্ৰদান কৰা হৈছে।

আৰু পঢ়িব পাৰিব : ‘ডিজিজ এক্স’ : কৰ’নাৰ পাছত বিশ্বলৈ আফ্ৰিকান ভাইৰাছৰ ভাবুকি!

ছেম ফ’ষ্টাৰ নামক নাৰ্ছগৰাকীয়ে এই প্ৰতিষেধক প্ৰদান কৰে আশীতিপৰ লোকজনক। ‘এই প্ৰতিষেধক লাভ কৰি মই আনন্দিত হৈছোঁ আৰু মই গৰ্বিত যে, এই প্ৰতিষেধক অক্সফ’ৰ্ডত উদ্ভাৱন কৰা হৈছে। নাৰ্ছ, চিকিৎসক সকলোৱে অতি প্ৰশংসনীয় কাম কৰিছে আৰু এতিয়া মই ভৱিষ্যতৰ কথা ভাবিব পৰা হৈছোঁ লগতে এই বছৰৰ শেষৰ ফালে পত্নীৰ সৈতে মোৰ ৪৮সংখ্যক বিবাহ বাৰ্ষিকী পালন কৰিব পাৰিম।’ পিংকাৰে কয়।

আৰু পঢ়িব পাৰিব : বিদ্যালয়ত উপস্থিত থাকিলে ছাত্ৰীসকলে দিনে পাব ১০০ টকাকৈ!

প্ৰতিষেধকৰ প্ৰথম পালি প্ৰদান কৰা নাৰ্ছ ছেম ফ’ষ্টাৰে কয়, অহা সপ্তাহকেইটাত অধিকসংখ্যক ৰোগী আৰু চিকিৎসক-স্বাস্থ্যকৰ্মীক প্ৰতিষেধক প্ৰদানৰ বাবে সাজু হৈছোঁ।