ডিজিটেল ডেস্ক: কাল কৰ’নাই সকলোকে বিধ্বস্ত কৰাৰ পাছতো শেষ হোৱা নাই ক’ভিডকেন্দ্ৰিক খেলিমেলিৰ৷ ক’ভিডৰ পাছতে অ’মিক্ৰনেও ইতিমধ্যে সংক্ৰমণৰ দিশত অগ্ৰহৰ হৈছে৷ যাৰবাবে কেন্দ্ৰীয় তথা ৰাজ্য চৰকাৰে প্ৰতিষেধকৰ প্ৰক্ৰিয়াও তীব্ৰতৰ কৰি তুলিছে৷ কিন্তু বিহাৰত প্ৰতিষেধক প্ৰদানত ক্ষেত্ৰত সৃষ্টি হোৱা কাণ্ডৰ পাছতে চাকৰিৰ পৰা বৰ্খাস্ত হ’বলগা হ’ল দুজনকৈ কৰ্মচাৰী৷ ৰাজ্যখনৰ আৰৱাল জিলাৰ কাৰ্পি স্বাস্থ্যকেন্দ্ৰত প্ৰধানমন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, প্ৰিয়ংকা চোপ্ৰা, ছোনীয়া গান্ধীকে ধৰি বহুকেইগৰাকী খ্যাতনামা ব্যক্তি ক’ভিড পৰীক্ষাৰ তালিকাত নাম সোমোৱাক লৈ তীব্ৰ প্ৰতিক্ৰিয়াৰ সৃষ্টি হৈছে৷
এই কাৰ্যৰ পাছতে ৰাজ্যখনৰ প্ৰতিষেধক প্ৰদান তথা ক’ভিডক লৈ কৰা অমনোযোগিতাক প্ৰতিফলিত কৰিছে৷ টিকাকৰণ প’ৰ্টেলত আপলোড কৰা ব্যক্তিৰ তালিকাৰ পৰিদৰ্শনৰ পাছতে ৰাজ্যখনৰ স্বাস্থ্য বিভাগে এনে কাৰ্য-কলাপ সংঘটিত কৰা স্বাস্থ্য কেন্দ্ৰটোৰ দুজনকৈ কম্পিউটাৰ অপাৰেটৰক বৰ্খাস্ত কৰিছে৷ এই তালিকাত বলীউড অভিনেতা অক্ষয় কুমাৰৰ নামো দেখা গৈছিল৷ তালিকাৰ ভিডিঅ’ ভাইৰেল হোৱাৰা পাছতে স্বাস্থ্য বিভাগৰ অকমৰ্ণতাৰ প্ৰতিফলন হয় আৰু লগে লগে স্থানীয় প্ৰশাসনক এই কাৰ্যৰ তদন্তৰ নিৰ্দেশ দিয়ে৷
বিহাৰৰ স্বাস্থ্যমন্ত্ৰী মংগল পাণ্ডেই জনায় যে, এই ঘটনা সন্দৰ্ভত জড়িত থকা দুজন কম্পিউটাৰ অপাৰেটৰক ইতিমধ্যে বৰ্খাস্ত কৰিছে৷ লগতে জিলা শাসক তথা মেডিকেল অফিচাৰক স্বাস্থ্যকেন্দ্ৰত ক’ভিড তথ্যসমূহ পুনৰ পুংখানুপুংখভাৱে চোৱাৰ নিৰ্দেশ দিয়ে, যাতে কেনোধৰণৰ ত্ৰুটি ৰৈ নাযায়৷ বিষয়টো গুৰুত্ব সহকাৰে লৈ পৰৱৰ্তী সময়ত যাতে এনে বিসংগতি দেখা নিদিয়ে, তাৰ প্ৰতি সচেতন হোৱাৰ কথা ব্যক্ত কৰে৷
