ডিজিটেল ডেস্কঃ ক’ভিড-১৯ৰ ভেকচিনৰ বিৰুদ্ধে মুখ খোলা এগৰাকী বাস্কেটবল খেলুৱৈৰ মৃত্যু হৈছে। তেওঁ হৈছে ডমিনিকান বাস্কেটবল খেলুৱৈ অস্কাৰ কেব্ৰেৰা এডামছ। চলিত সপ্তাহতে হাৰ্ট এটেক হৈ মৃত্যু ঘটে তেওঁৰ।
উল্লেখ্য যে ভেকচিনৰ ফলতে মায়’কাৰ্ডিটিছ ৰোগ হোৱা বুলি দাবী কৰিছিল তেওঁ। ডমিনিকান স্পৰ্টছ কমেণ্টেটৰ হেক্টৰ গোমেজে মৃত্যুৰ খবৰটো জনাইছে। ছান্টো ডমিংগোৰ স্বাস্থ্য কেন্দ্ৰত পৰীক্ষা কৰি থকাৰ সময়তে কাব্ৰেৰা এডামছে হাৰ্ট এটেকত আক্ৰান্ত হোৱা বুলি জানিব পৰা গৈছে।
ফাইজাৰৰ ক’ভিড ভেকচিনৰ দুটা ড’জ লোৱাৰ পাছতে তেওঁৰ অসুখ হোৱা বুলি তেওঁ দাবী কৰিছিল। ছ'চিয়েল মিডিয়াত লিখিছিল- "মই ভেকচিন লোৱাৰ পৰা Myocarditis হৈছে। বহুতে মোক সকীয়াই দিছিল।"
"মোৰ কোনো স্বাস্থ্যজনিত সমস্যা নাই, বংশগত অসুখো নাই, হাঁপানী নাই, একোৱেই নাই! কিন্তু মই হঠাতে মাটিত ঢলি পৰিলোঁ।’’- তেওঁ লিখিছিল।
উল্লেখ্য যে ২০২১ চনৰ স্পেনিছ এমেচাৰ বাস্কেটবল লীগৰ এখন খেলত কাব্ৰেৰা এডামেছক ঢলি পৰিছিল, তাৰ পাছত ষ্ট্ৰেচাৰত উঠি চিকিৎসালয়লৈ লৈ যোৱা হৈছিল।
Continue Reading
