ডিজিটেল ডেস্কঃ প্ৰায় চাৰি হাজাৰ বছৰ পুৰণি ফেংছুইয়ে লাফিং বুদ্ধ অর্থাৎ হাঁহি থকা বুদ্ধৰ মূৰ্তি ঘৰত ৰখাটো অতি শুভ ফলদায়ক বুলি কৈ আহিছে। লাফিং বুদ্ধ হৈছে চীনৰ লোকসকলৰ বাবে ধনপ্রাপ্তিৰ দেৱতা। সেইবাবে চীনা লোকসকলে তেওঁলোকৰ ঘৰত সৌভাগ্য আৰু সমৃদ্ধিৰ প্ৰতীক লাফিং বুদ্ধৰ মূৰ্তি ৰাখি আহিছে। সকলো লোকেই ঘৰৰ সৌভাগ্য আৰু সমৃদ্ধিৰ বাবে লাফিং বুদ্ধৰ মূৰ্তি ঘৰত ৰাখিব লাগে।
লাফিং বুদ্ধৰ মূৰ্তি ঘৰত ৰাখিলেও সেই মূৰ্তিত কোনো ধৰণৰ পূজা-অৰ্চনা কৰিব নালাগে। ঘৰৰ এক নিৰ্দিষ্ট স্থানত সেই মূৰ্তি স্থাপন কৰিব লাগে। ঘৰৰ কেনে স্থানত মূৰ্তি স্থাপন কৰা হৈছে তাৰ ওপৰতে ভিত্তি কৰিয়ে লাফিং বুদ্ধৰ মূর্তিয়ে সৃষ্টি কৰা শুভ ফল নিৰ্ভৰ কৰে। লাফিং বুদ্ধৰ মূৰ্তি কেতিয়াও শোৱনি কোঠা বা ৰান্ধনীশালত ৰাখিব নালাগে। লাফিং বুদ্ধৰ মূৰ্তি কেতিয়াও শ্ব'কেচৰ ভিতৰত আন সজোৱা সামগ্ৰীৰ সৈতে সজাই ৰাখিব নালাগে। 
এনেদৰে সজাই ৰখা লাফিং বুদ্ধৰ মূৰ্তিয়ে কোনো শুভ ফল প্রদান নকৰে। লাফিং বুদ্ধৰ মূৰ্তি সদায় ঘৰৰ প্ৰধান দৰ্জাৰ পিনে মুখ কৰি মাটিৰ পৰা কমেও ৩০ ইঞ্চি ওপৰত স্থাপন কৰিব লাগে। ফেংছুইৰ মতে শুভ শক্তি সদায় ঘৰৰ প্ৰধান দুৱাৰেৰে প্ৰৱেশ কৰে। শুভ শক্তিয়ে ঘৰৰ প্রধান দুৱাৰেৰে প্ৰৱেশ কৰাৰ সময়ত লাফিং বুদ্ধই সেই শুভ শক্তিক আদৰণি জনায়। সেইবাবে প্রধান দুৱাৰৰ মুখামুখিকৈ লাফিং বুদ্ধৰ মূৰ্তি স্থাপন কৰিব লাগে।
যদি ঘৰৰ প্ৰধান দুৱাৰৰ মুখামুখিকৈ লাফিং বুদ্ধৰ মূৰ্তি ৰখাৰ সুবিধা নাথাকে তেন্তে প্রধান দুৱাৰৰ ওচৰে পাজৰে কোণাকোণিকৈ কোনো সৰু টেবুলৰ ওপৰত লাফিং বুদ্ধৰ মূৰ্তি স্থাপন কৰিব লাগে ।
Continue Reading
