ডিজিটেল ডেস্কঃ ভাৰতৰ ‘Most Eligible Bachelor’ বুলি কোৱা হয় কংগ্ৰেছ নেতা ৰাহুল গান্ধীক। ৰাহুল গান্ধীৰ বৰ্তমান বয়স ৫৩ বছৰ। কিন্তু এতিয়াও তেওঁ বিবাহপাশত আৱদ্ধ হোৱা নাই। ৰাহুল গান্ধীয়ে বিয়া কেতিয়া পাতিব সেইটো এই সময়ত এক লাখটকীয়া প্ৰশ্ন হৈ পৰিছে। কংগ্ৰেছ নেতা ৰাহুল গান্ধীৰ বিবাহক লৈ বহু সময়ত প্ৰশ্ন উত্থাপন হৈছে। কংগ্ৰেছ, বিজেপি হওক বা সাধাৰণ মানুহেই হওক, ৰাহুল গান্ধীৰ বিয়া কেতিয়া হ’ব বুলি সকলোৱে সদায় প্ৰশ্ন কৰি আহিছে।
জুন মাহত পাটনাত অনুষ্ঠিত বিৰোধী দলৰ বৈঠকৰ সময়ত বিহাৰৰ প্ৰাক্তন মুখ্যমন্ত্ৰী তথা ৰাষ্ট্ৰীয় জনতা দলৰ উচ্চতম মন্ত্ৰী লালু প্ৰসাদ যাদৱে ৰাহুল গান্ধীক বিয়া পাতিবলৈ পৰামৰ্শ দিছিল। ৰাহুলক গান্ধীক বিবাহৰ বিষয়ে সুধিলে তেওঁ কয় যে ‘‘বিয়া পতাত মোৰ কোনো আপত্তি নাই। উপযুক্ত যুৱতী বিচাৰি পালে নিশ্চয় মই বিয়া পাতিম। মোৰ মা-দেউতাৰ বিয়াখন আছিল অসাধাৰণ। সেইবাবেই মোৰ বিবাহৰ চিন্তা বহুত উচ্চ। ময়ো বিচাৰো মনে মিলা এগৰাকী জীৱনসংগী। কোনো যুৱতীৰ নাম নোলোৱাকৈ তেওঁ কয় যে যেতিয়াই তেওঁৰ বাবে উপযু্ক্ত যুৱতী বিচাৰি পাব তেতিয়াই তেওঁ বিয়াত বহিব।’’
৫৩ বৰ্ষীয় ৰাহুল গান্ধীক এবাৰ এক সাক্ষাৎকাৰত সোধা হৈছিল যে জীৱনসংগীৰ ক্ষেত্ৰত ৰাহুল গান্ধীয়ে কোনো বিশেষত্ব বিচাৰে নেকি? সেই প্ৰশ্নৰ উত্তৰত তেওঁ কৈছিল যে তেনে কোনো কথা নাই, মাত্ৰ জীৱনসংগীগৰাকী মৰমিয়াল আৰু বুদ্ধিমান হোৱা প্ৰয়োজন।
উল্লেখ্য যে যোৱা বৰ্ষৰ ডিচেম্বৰ মাহতো ৰাহুল গান্ধীয়ে এক ইউটিউব চেনেলৰ সৈতে হোৱা সাক্ষাৎকাৰত তেওঁৰ জীৱনসংগীৰ ক্ষেত্ৰত তেওঁৰ মাতৃ ছোনিয়া গান্ধী আৰু আইতাক তথা প্ৰাক্তন প্ৰধানমন্ত্ৰী ইন্দিৰা গান্ধীৰ গুণ থকাটো বিচাৰে বুলি মন্তব্য কৰিছিল।
নিজৰ বিয়া পলম হোৱাকলৈ ৰাহুল গান্ধীয়ে কৈছিল যে তেওঁৰ বিয়া পলম হোৱাৰ কাৰণ তেওঁৰ পিতৃ-মাতৃ। ৰাহুলে কয় যে ‘‘মোৰ পিতৃ-মাতৃ অৰ্থাৎ ৰাজীৱ-ছোনিয়াৰ যুটি ইমানেই ভাল আছিল যে তেওঁলোকে প্ৰেমৰ উচ্চ স্তৰ স্থাপন কৰিছিল,ইজনে সিজনৰ প্ৰতি অতিশয় প্ৰেম আছিল। সেইবাবেই মোৰ আশাও বহুত বেছি। তেওঁলোকক দেখিয়ে কোনো ছোৱালীক হঠাতে মোৰ ভাল লাগি নাযায়।’’ ইয়াৰ লগতে ৰাহুল গান্ধীয়ে নিজকে কেতিয়াও বিবাহৰ বিৰোধী নহয় বুলি মন্তব্য কৰে।
বৰ্তমান ৰাহুল গান্ধীৰ সন্মুখত আটাইতকৈ ডাঙৰ প্ৰত্যাহ্বান হৈছে পৰৱৰ্তী লোকসভা নিৰ্বাচনত দলটোৰ চৰকাৰ পুনৰ গঠন কৰা। ইয়াৰ বাবে তেওঁ সক্ৰিয় হৈ পৰিছে। নিৰ্বাচনৰ পূৰ্বে তেওঁ ৰাজ্যভিত্তিক ভ্ৰমণ কৰি সমগ্ৰ দেশৰ শ্ৰমিকসকলক সাক্ষাৎ কৰিছে। ৰাহুলে বহুবাৰ স্পষ্ট কৰি দিছে যে তেওঁ প্ৰথমে দলটোক শক্তিশালী কৰিব বিচাৰে, তাৰপাছতহে বাকীবোৰ চিন্তা কৰিব। ৰাহুলে যিয়েই নকওক কিয়, সকলোৱে জানে যে বৰ্তমান সময়ত ভাৰতৰ ‘Most Eligible Bachelor’ ৰাহুল গান্ধী। এতিয়া সকলোৱে ৰাহুল গান্ধীয়ে দেহত মাহ-হালধি সনা দিনটোলৈ আৰু বিয়াৰ চেহনাই বাজি উঠা দিনটোলৈ বাট চাইছে।
Continue Reading
