ডিজিটেল ডেস্কঃ গ্ৰীষ্মকালত বজাৰলৈ গ’লে সকলো আকাৰৰ তৰমুজ দেখা যায়। গ্ৰীষ্মকালত শৰীৰটো সবল কৰি ৰাখিবলৈ বহুতে এই ফল দৈনন্দিন খাদ্য তালিকাত ৰাখে। বজাৰত তৰমুজ প্ৰতি কেজিত ৩০ৰ পৰা ৪০ টকাত বিক্ৰী হয়। খুব দৰদাম কৰিলে কেজিত ২০ টকা পাব পাৰি। কিন্তু আপুনি জানেনে যে বজাৰত লাখ টকাৰ তৰমুজো পোৱা যায়? ভাবিছেনে পৃথিৱীৰ আটাইতকৈ দামী তৰমুজ কিমান?
জাপানত ডেনছুকে তৰমুজৰ খেতি কৰা হয়, জাপানীসকলেও ইয়াক ক’লা তৰমুজ বুলি কয়। এই তৰমুজবোৰক যিটোৱে পৃথক কৰি তোলে সেয়া হ’ল ইয়াৰ অনন্য খেতি প্ৰক্ৰিয়া। জাপানৰ হোকাইডো দ্বীপৰ উত্তৰ অংশত একান্তভাৱে ডেনছুকা তৰমুজৰ খেতি কৰা হয়।
সাধাৰণ বজাৰত এই তৰমুজ বিক্ৰী নহয়। এই তৰমুজ সাধাৰণতে নিলাম কৰা হয়। নিলামত সৰ্বাধিক দৰদাম কৰা ব্যক্তিয়ে ক্ৰয় কৰিব এই বহুমূলীয়া তৰমুজ। Covid পৰ্যায়ৰ পূৰ্বে এই তৰমুজবোৰ প্ৰায় ৪.৫ লাখ টকাত বিক্ৰী হৈছিল। কিন্তু covid ৰ পিছত এই ফলৰ দাম কমিছে। এই তৰমুজৰ বাহিৰৰ ছালৰ ৰং সেউজীয়া নহয়, ক’লা।
ইয়াৰ গুটিও কম থাকে। এইবিধ তৰমুজ আন প্ৰকাৰৰ তৰমুজৰ তুলনাত বহুত বেছি মিঠা। covid ৰ পিছত মূল্য হ্ৰাস পোৱাৰ পিছতো এই প্ৰজাতিৰ তৰমুজ এতিয়াও ১ লাখৰো অধিক মূল্যত বিক্ৰী হয়। জাপানকে ধৰি বিশ্বৰ বিভিন্ন ঠাইত এই তৰমুজৰ চাহিদা আছে যদিও উৎপাদন কম হোৱাৰ বাবে ইয়াৰ দাম অতি বেছি।
Continue Reading
