ডিজিটেল ডেস্কঃ ইডেন গাৰ্ডেনত কলকাতা নাইট ৰাইডাৰ্ছ আৰু ৰয়েল চেলেঞ্জাৰছ বেংগালুৰুৰ মাজত তীব্ৰ উত্তেজনামূলক খেল চলি আছে। বাংগালুৰুৰ বলাৰসকলে আৰম্ভণিতে দূৰ্দান্ত বলিং কৰিছিল। ডেভিদ উইলীয়ে প্ৰথমে ভেংকটেশ আয়াৰক আৰু তাৰ পিছত একেবাৰে পৰৱৰ্তী বলত মনদ্বীপ সিঙক আউট কৰে। লেগ স্পিনাৰ কৰণ শৰ্মাইও ৰহমানুল্লাহ গুৰবাজ আৰু তাৰ পিছত ডেঞ্জাৰমেন আন্দ্ৰে ৰাছেলক আউট কৰে।
আৰ চি বিৰ অনুৰাগীসকল উৎফিল্লিত হৈ পৰিল। ৰাছেলৰ পাছতে ৰিংকু সিঙৰ সৈতে ক্ৰীজলৈ আহিছিল সোঁহতীয়া মিডিয়াম পেচাৰ লৰ্ড শ্বাৰদুল ঠাকুৰ। যোৱা ছিজনলৈকে দিল্লী কেপিটেলছৰ অংশ হিচাপে আছিল শ্বাৰদুল। আহিয়ে আৰম্ভ কৰে দূৰ্দান্ত বেটিং।
আই পি এল কেৰিয়াৰৰ প্ৰথমটো অৰ্ধশতক অৰ্জন কৰে শ্বাৰদুলে। ২০টা বলতে অৰ্ধশতক অৰ্জন কৰে তেওঁ। ২০২৩ চনৰ আই পি এলত এতিয়ালৈকে ইয়াতকৈ বেছি বেগেৰে অৰ্ধশতক অর্জন কৰা নাই কোনেও৷ আনহাতে, আইপিএলৰ ইতিহাসত ইয়াৰ পূৰ্বে জোছ বাটলাৰে ২০টা বলত ৫০ ৰান সংগ্ৰহ কৰিছিল।
তদুপৰি সাত নম্বৰ বা তাৰ তলত বেটিং কৰি কলকাতাৰ হৈ মাত্ৰ তিনিজন বেটছমেনেহে পঞ্চাশ ৰান কৰে। তেওঁলোক হৈছে- ৰাছেল, পেট কামিন্স আৰু ৱ্ৰিদ্ধিমান সাহা। এতিয়া এই তালিকাত যোগ হৈছে শাৰদুলৰ নাম।
শ্বাৰদুলে সংগ্ৰহ কৰে মুঠ ৬৮ ৰাণ। তেওঁৰ এই ইনিংছটোৰ সহায়তে কলকাতা নাইট ৰাইডাৰ্ছে প্ৰথম ইনিংছত ৭ টা উইকেট হেৰুৱাই ২০৪ ৰাণৰ সন্তোষজনক স্ক’ৰ কৰিবলৈ সক্ষম হৈছে।
Continue Reading
