ডিজিটেল ডেস্কঃলিফ্টত মহিলা-যুৱতীক যৌন আতিশয্য চলোৱাৰ ঘটনা নতুন নহয়। শেহতীয়াকৈ এটা ভিডিঅ' ছচিয়েল মিডিয়াত ভাইৰেল হৈ পৰিছে। ভিডিঅ’টো এজন যুৱকে এগৰাকী যুৱতীৰ সৈতে দুৰ্ব্যৱহাৰ কৰা দেখা গৈছে। তাৰ পিছত যি ঘটিছিল সেয়া তেওঁৰ বাকী জীৱনৰ বাবে মনত থাকিবলগীয়া ঘটনাই হয়তো হ’ব। সচৰাচৰ দেখা যায় যে বহু পুৰুষে বাহিৰত ছোৱালীক হাৰাশাস্তি কৰে।
বহু সময়ত ৰাস্তাত, ৰেলত বা মেট্ৰ'ত ছোৱালীৰ সৈতে ঘটনা ঘটে, যি বহুতৰে সহনশীলতাৰ সকলো সীমা ভাঙি দিয়ে। বহুতে প্ৰতিবাদ কৰে, বহুতে ভয়তে প্ৰতিবাদ নকৰা কৈয়ে থাকে।শেহতীয়াকৈ এনে ঘটনাৰ ভিডিঅ' লিফ্টত স্থাপন কৰা চিচিটিভি কেমেৰাৰ পৰা লাভ কৰা হৈছে। ভিডিঅ'টোত, এগৰাকী যুৱতীক লিফ্টত উঠি থকা দেখা গৈছে, য'ত এজন যুৱকো আছিল। যুৱক জনে কিছু সময়ছোৱালীজনীলৈ চাই পিছ মুহূৰ্তত তেওঁৰ ওচৰলৈ গৈছিল আৰু তেওঁক হাৰাশাস্তি কৰিবলৈ আৰম্ভ কৰিছিল।
যুৱকজনে আনকি ছোৱালীজনীৰ কান্ধত হাত থৈছিল। তাৰ পিছত যুৱতীগৰাকীয়ে খঙতে যুৱকজনক এটা পূৰ্ণহতীয়া চৰ শোধায়। যুৱক জন বাগৰি পৰে। ইয়াৰ পিছতে যুৱতীগৰাকীয়ে যুৱক জনক ভৰিৰে দুটামান লাঠ মাৰে। এই ভাইৰেল ভিডিঅ'টো 'লকাৰমলাল' নামৰ আইডিৰ পৰা টুইটাৰত শ্বেয়াৰ কৰা হৈছে।চিচিটিভি ফুটেজটো এতিয়ালৈকে প্ৰায় ২ লাখ মানুহে চাইছে। ৬,০০০ৰো অধিক লোকে এই ভিডিঅ'টো লাইক কৰিছে।
নেটিজেনসকলে ছোৱালীজনীৰ সাহসিকতাৰ প্ৰশংসা কৰিছে। বহুলোকে পোষ্টটোত মন্তব্য কৰিছে আৰু কৈছে যে ছোৱালীবোৰে এনেদৰে বাহিৰত সাহস প্ৰদৰ্শন কৰিব লাগে। অৱশ্যে, ভিডিঅ'টো ক'ৰ সেয়া জনা জানিব পৰা হোৱা নাই।
Continue Reading
