ডিজিটেল ডেস্কঃ দূৰ্দান্ত ক্ৰীড়াশৈলীৰে বিশ্বকাপ বিজয় কৰা লিঅ’নেল মেছিৰ বন্দনাত মুখৰ হৈ পৰিছে বিশ্বৰ অগণন ফুটবলপ্ৰেমী। বহু প্ৰত্যাশাৰ অন্তত মেছিয়ে বিশ্বকাপ জয় কৰি ফুটবলক গৰিমামণ্ডিত কৰা বুলি আখ্যা দিছে তেওঁলোকে।
কিন্তু এই সময়তে আৰ্জেণ্টাইন তাৰকাগৰাকীৰ সমালোচনাত মুখৰ হৈ পৰিছে এগৰাকী সুন্দৰী মডেল। তেওঁ হৈছে প্ৰাক্তন মিছ ক্ৰ’ৱেছিয়া ইভানা নল। কাটাৰ বিশ্বকাপত খোলা-মেলা কাপোৰ পৰিধান কৰি চৰ্চাত আছে ক্ৰ’ৱেছিয়াৰ এইগৰাকী মোহমীয় মডেল। কিন্তু কি ক’লে ইভানাই?
ইভানাই প্ৰশ্ন কৰিছে যে মেছিক কিয় বিশ্বকাপৰ গ’ল্ডেন ব’ল দিয়া হ’ল? তেওঁ কয় যে এই খিতাপৰ প্ৰাপ্য আছিল ফ্ৰান্সৰ কিলিয়ান এমবাপেৰহে। ফিফাৰ ওপৰত খৰ্গহস্ত হৈ ইভানাই কয় যে ভুল মানুহৰ হাতত তুলি দিয়া হৈছে এই সন্মান।
''আৰ্জেণ্টিনা জিকিছে এয়া সত্য, কিন্তু গ’ল্ডেন বলৰ দাবীদাৰ এমবাপেহে!’’ - এইদৰে কয় ইভানাই।
উল্লেখ্য যে ইভানা নল ক্ৰ’ৱেশ্চিয়াৰ এগৰাকী আগশাৰীৰ মডেল। ‘মিছ ক্ৰ’ৱেশ্চিয়া’ও হৈছিল মডেলগৰাকী। ২০১৮ চনৰ বিশ্বকাপতো ক্ৰ’ৱেশ্চিয়াক সমৰ্থন জনাই চৰ্চাত আছিল ইভানা।
Continue Reading
