ডিজিটেল ডেস্কঃদেশ কঁপোৱা লখিমপুৰ খেৰী কাণ্ডৰ বিচাৰ প্ৰক্ৰিয়া সম্পূৰ্ণ হ'বলৈ আৰু লাগিব পাঁচ বছৰ !যোগীৰ চৰকাৰে এই কথা জনালে উচ্চতম ন্যায়ালয়ক।শীৰ্ষ ন্যায়ালয়ে জানিব বিচাৰিছিল যে লখিমপুৰ খেৰী কৃষক হত্যাৰ গোচৰৰ বিচাৰ সম্পূৰ্ণ কৰিবলৈ কিমান সময় লাগিব। কেন্দ্ৰীয় মন্ত্ৰীৰ পুত্ৰক গোচৰটোৰ মূল অভিযুক্ত হিচাপে নামাকৰণ কৰা হৈছে।
উল্লেখ্য প্ৰতিবাদকাৰী কৃষকসকলক উত্তৰ প্ৰদেশৰ লখিমপুৰত মন্ত্ৰী পুত্ৰই বাহনেৰে চোঁচৰাই নিছিল। অনুসন্ধানকাৰীসকলে কৈছে যে কৃষকসকলক ষড়যন্ত্ৰমূলকভাবে হত্যা কৰা হৈছে। কেন্দ্ৰীয় মন্ত্ৰী অজয় মিশ্ৰৰ পুত্ৰ আশীষ মিশ্ৰ সেই ষড়যন্ত্ৰকাৰীসকলৰ মাজৰে এজন আছিল। অৱশ্যে আশীষ বা গোচৰটোৰ আন অভিযুক্তসকলে পৰৱৰ্তী পাঁচ বছৰৰ বাবে কোনো শাস্তিৰ সন্মুখীন নহ'ব পাৰে। বুধবাৰে লখিমপুৰৰ ঘটনাৰ এবছৰ, তিনি মাহ পিছত উত্তৰ প্ৰদেশ চৰকাৰে উচ্চতম ন্যায়ালয়ক কয় যে গোচৰটোৰ শুনানি সম্পূৰ্ণ কৰিবলৈ আৰু প্ৰায় পাঁচ বছৰ লাগিব।
প্ৰতিবেদনখনত ন্যায়াধীশ সূৰ্য কান্ত আৰু ন্যায়াধীশ ভি ৰামসুব্ৰমনিয়ামে কৈছে যে কেন্দ্ৰীয় মন্ত্ৰীৰ পুত্ৰৰ বিৰুদ্ধে গোচৰটোত ২০৮ টা সাক্ষ্য, ১৭১ খন নথি পত্ৰ আৰু ২৭ খন ফৰেনচিক গৱেষণা প্ৰতিবেদন পৰীক্ষা কৰিব লাগিব। দুয়োজন ন্যায়াধীশৰ মতে, এনে ধৰণৰ গোচৰত সাধাৰণতে প্ৰায় পাঁচ বছৰ সময় লাগে।
Continue Reading
