ডিজিটেল ডেস্কঃ ছখন ৰাজ্যৰ উপ-নিৰ্বাচনত বিৰোধী মিত্ৰজোঁট ইণ্ডিয়াৰ উত্থানৰ সময়তে কৰ্ণাটকত বিজেপি-জেডি(এছ) ৰ মিত্ৰতা চূড়ান্ত হৈ পৰিছে। বিজেপি নেতা তথা প্ৰাক্তন মুখ্যমন্ত্ৰী বি এছ য়েদিয়ুৰাপ্পাই শুকুৰবাৰে নিশ্চিত কৰিছে যে কৰ্ণাটকত ২০২৪ৰ লোকসভা নিৰ্বাচনৰ বাবে বিজেপি আৰু জেডি(এছ)য়ে তেওঁলোকৰ মিত্ৰতা নিশ্চিত কৰিছে। সেইমৰ্মে চাৰিখন আসনৰ বাবে বিজেপিয়ে জেডি(এছ)ৰ সৈতে বুজাবুজি কৰিবলৈ সন্মত হৈছে।
য়েদিয়ুৰাপ্পাই কয় যে অমিত শ্বাহে জেডি(এছ)ক চাৰিখন লোকসভা আসন এৰি দিবলৈ সন্মত হৈছে। জেডি(এছ)ৰ সৰ্বোচ্চ নেতা এইচ ডি দেৱগৌড়াই শেহতীয়াকৈ বিজেপিৰ মুৰব্বী জে পি নাড্ডা আৰু কেন্দ্ৰীয় গৃহ মন্ত্ৰী অমিত শ্বাহক সাক্ষাৎ কৰিছিল ।
ইয়েদিয়ুৰাপ্পাই ২০২৪ চনৰ লোকসভা নিৰ্বাচনৰ বাবে কৰ্ণাটকত বিজেপি-জেডি(এছ) মিত্ৰতা নিশ্চিত কৰিছিল। উল্লেখ্য পূৰ্বে জেডি(এছ) দলে কংগ্ৰেছৰ সৈতে মিত্ৰতা কৰিছিল আৰু এইচ ডি কুমাৰস্বামীক মুখ্যমন্ত্ৰী হিচাপে লৈ কৰ্ণাটকত চৰকাৰ গঠন কৰিছিল। ক্ষমতালৈ অহাৰ এবছৰ পিছত ২০১৯ চনত আস্থা ভোটত পৰাজিত হোৱাৰ পিছত কুমাৰস্বামীৰ চৰকাৰ ভংগ হৈছিল।
বাতৰি অনুসৰি জেডিএছে মাণ্ড্য, হাছান, তুমাকুৰু, চিকবাল্লাপুৰ আৰু বাংগালুৰু গ্ৰাম্যৰ পৰা প্ৰতিদ্বন্দিতা কৰিব বিচাৰিছিল। বিজেপিয়ে দলটোক চাৰিখন আসনত প্ৰতিদ্বন্দিতা কৰিবলৈ দিবলৈ সন্মত হৈছে। সেই আসন কেইখন হৈছে কোলাৰ, হাছান, মাণ্ড্য আৰু বেংগালুৰু গ্ৰাম্য।
এসময়ত কংগ্ৰেছৰ সহযোগী আছিল জেডিএছক বাংগালুৰুত অনুষ্ঠিত বিৰোধী মিত্ৰজোঁট ইণ্ডিয়াৰ বৈঠকলৈ নিমন্ত্ৰণ কৰা হোৱা নাছিল। "কিছুমান (কৰ্ণাটক) কংগ্ৰেছ নেতাই মোক বিচৰা নাছিল... বিহাৰৰ মুখ্যমন্ত্ৰী নীতিশ কুমাৰ মোৰ ভাল বন্ধু । যিহেতু কংগ্ৰেছে মোক নিবিচাৰে... মোক মতা হোৱা নাছিল," দেৱগৌড়াই কয়।
Continue Reading
