ডিজিটেল ডেস্কঃ মঙলবাৰে নৰেন্দ্ৰ মোদী চৰকাৰে লোকসভা আৰু সকলো ৰাজ্যিক বিধানসভাত মহিলাৰ বাবে ৩৩ শতাংশ সংৰক্ষণ আনিবলৈ ১২৮ সংখ্যক সাংবিধান সংশোধনী বিধেয়ক, ২০২৩ উত্থাপন কৰে। ইয়াৰ ভিতৰত অনুসূচিত জাতি/অনুসূচিত জনজাতিৰ বাবে এক তৃতীয়াংশ আসন সংৰক্ষণ কৰা আৰু ‘যিমানদূৰ সম্ভৱ’ সাধাৰণ শ্ৰেণীৰ বাবে মুঠ আসনৰ এক তৃতীয়াংশ সংৰক্ষণ অন্তৰ্ভুক্ত কৰা হ’ব।
ইণ্ডিয়ান এক্সপ্ৰেছৰ তথ্য অনুসৰি বিধেয়কখন গৃহীত হোৱাৰ পাছত কৰা প্ৰথমটো লোকপিয়লৰ ভিত্তিত সীমা নিৰ্ধাৰণ প্ৰক্ৰিয়া সম্পূৰ্ণ হোৱাৰ পাছত আসন সংৰক্ষণ কৰা হ’ব। ইয়াত আইনখন আৰম্ভ হোৱাৰ পৰা ১৫ বছৰৰ বাবে মহিলা সংৰক্ষণৰ নিৰ্দেশ দিয়া হৈছে, সংসদৰ ইয়াক আৰু বৃদ্ধি কৰাৰ অধিকাৰ আছে।
বিধেয়কখনৰ মতে, মহিলাৰ বাবে সংৰক্ষিত আসনৰ কাৰ্য পৰৱৰ্তী প্ৰতিটো সীমা নিৰ্ধাৰণ প্ৰক্ৰিয়াৰ পাছতহে হ’ব, যিটো সংসদে আইনৰ দ্বাৰা নিৰ্ধাৰণ কৰিব।
বুধবাৰে সদনত উত্থাপন হ’বলগীয়া বিধেয়কখন উত্থাপন কৰি কেন্দ্ৰীয় আইন আৰু ন্যায় মন্ত্ৰী অৰ্জুন ৰাম মেঘৱালে কয় যে গৃহীত হ’লে লোকসভাত মহিলা সাংসদৰ সংখ্যা বৰ্তমানৰ ৫৪৩ গৰাকীৰ মতে ১৮১ গৰাকীলৈ বৃদ্ধি পাব। বৰ্তমানৰ সদনত ৮২ গৰাকী মহিলা সাংসদ আছে।
৩৩০ এ অনুচ্ছেদত মহিলাৰ বাবে আসন সংৰক্ষণৰ বাবে দফা (১) সন্নিৱিষ্ট কৰা বিধেয়কখনত আন এটা দফাত কোৱা হৈছে যে লোকসভাত অনুসূচিত জাতি আৰু অনুসূচিত জনজাতিৰ বাবে সংৰক্ষিত আসনৰ এক তৃতীয়াংশ এই শ্ৰেণীৰ মহিলাৰ বাবে হ’ব।আৰু তৃতীয় দফাটো লোকসভাত প্ৰত্যক্ষ নিৰ্বাচনৰ জৰিয়তে পূৰণ কৰিবলগীয়া মুঠ আসনৰ এক তৃতীয়াংশ মহিলাৰ বাবে যিমান পাৰি আঁতৰাই ৰখা।
উল্লেখ্য যে ২০২৪ চনৰ নিৰ্বাচনৰ পাছৰ কোনোবা এটা সময়ত লোকপিয়ল হ’ব বুলি ধৰি ল’লে ইয়াৰ ফলাফল সংকলন কৰি প্ৰকাশ কৰিবলৈ এবছৰ লাগিব, তাৰ পাছত সীমা নিৰ্ধাৰণ প্ৰক্ৰিয়া। যদিও ২০২৪ চনৰ লোকসভা নিৰ্বাচনৰ এবছৰৰ ভিতৰত এই কাম সম্পূৰ্ণ হ’ব পাৰে, তথাপিও বৰ্তমানৰ সদন ভংগ হোৱাৰ পিছতহে এই সংৰক্ষণ কাৰ্যকৰী হ’ব – অনুমানিকভাৱে ইয়াৰ পাঁচ বছৰীয়া কাৰ্যকাল শেষ হোৱাৰ পাছত।অৱশ্যে নতুন নিয়মৰ অধীনত কিছু বিধানসভা নিৰ্বাচন অনুষ্ঠিত কৰিব পৰা যাব।
Continue Reading
