ডিজিটেল ডেস্ক: এছিয়ান গেমছৰ ৰিঙত ইতিহাস সৃষ্টি কৰিলে অসম কন্যা লাভলীনা বৰগোহাঁয়ে। নিজৰ জন্মদিনৰ দিনটোতেই দেশলৈ গৌৰৱ কঢ়িয়াই আনি মহিলাৰ ৭৫ কেজি বক্সিং শাখাত স্বৰ্ণপদক লাভ কৰিলে লাভলীনাই। ফাইনেলত চীনৰ শক্তিশালী প্ৰতিদ্বন্দ্বী ঝিয়ি বাওক ৫-০ ব্যৱধানত পোনপটীয়াভাৱে পৰাস্ত কৰি তেওঁ এই সফলতা অর্জন কৰে।
চীনৰ প্ৰতিদ্বন্দীগৰাকীৰ বিৰুদ্ধে আক্ৰমণাত্মক খেল প্ৰদৰ্শন কৰি লাভলীনাই ৫-০ ৰ বৃহৎ ব্যৱধানত জয়লাভ কৰি স্বৰ্ণজয় কৰিবলৈ সক্ষম হয়। ফাইনেলত প্ৰৱেশ কৰাৰ পূৰ্বে ছেমিফাইনেলত কাজাখস্তানৰ কঠিন প্ৰতিদ্বন্দ্বী নাতালিয়া বোগদানোভাক ৩-২ ব্যৱধানত হৰুৱাই ফাইনেলৰ যাত্ৰা নিশ্চিত কৰিছিল।
এছিয়ান গেমছত এয়া লাভলীনাৰ দ্বিতীয়টো পদক। ইয়াৰ পূৰ্বে ২০২৩ চনৰ হাংঝৌ এছিয়ান গেমছত মহিলাৰ ৭৫ কেজি শাখাত ৰূপৰ পদক লাভ কৰিছিল অসম কন্যাগৰাকীয়ে।
বক্সিং ৰিঙত লাভলীনাৰ এই অসাধাৰণ কৃতিত্ব আৰু জন্মদিনৰ দিনাই দেশলৈ সোণ আনি দিয়া এই সফলতাত উৎফুল্লিত হৈ পৰিছে সমগ্ৰ ৰাজ্যবাসী তথা দেশবাসী। সামাজিক মাধ্যমৰ পৰা আৰম্ভ কৰি বিভিন্ন দল-সংগঠনে লাভলীনাক জনাইছে আন্তৰিক শুভেচ্ছা।
Continue Reading
