লতাৰ অন্ত্যেষ্টিক্ৰিয়াত কিয় উপস্থিত নহ’ল বলীউড শ্বেহেনশ্বাহ অমিতাভ বচ্চনে? কি ক’লে ওচৰ চুবুৰীয়াই ?

ডিজিটেল ডেস্কঃ সুৰৰ সমুদ্ৰ মন্থন কৰি সুৰ সম্ৰাজ্ঞী গ’ললৈ অজান দেশলৈ। লতা মংগেশকাৰৰ বিষয়ে ভাবিলে সততে মনলৈ আহে অমিতাভ বচ্চনৰ কথা। বলীউডতো বিশেষভাৱে চৰ্চিত লতা-অমিতাভৰ কথা। শিল্পীৰ পৃথিৱীৰ দুই মহানায়কৰ এজনক বাদ দি আনজনৰ কথা আলোচনাৰ আওতালৈ অনাটো বৰ জটিল। তেওঁলোকৰ পৰস্পৰৰ মাজতো আছিল এক সৌহাৰ্দ্যপূৰ্ণ সম্পৰ্ক। কেৱল পেছাগত দিশৰ পৰাই নহয় ব্যক্তিগতভাৱেও তেওঁলোক ইজনে-সিজনৰ অতিকৈ আপোন। স্মৰ্তব্য যে, দেওবাৰে পুৱা লতা মংগেশকাৰৰ মৃত্যুৰ খবৰ শুনি অমিতাভ বচ্চন তেওঁৰ বাসগৃহলৈ লহৰি গৈছিল। অন্তিমবাৰৰ বাবে বকুৰ আপোনজনক সাক্ষাৎ কৰিবলৈ গৈছিল ‘বিগ বি’-এ। লতাজীৰ অন্ত্যেষ্টিক্ৰিয়াৰ সময়তো বলীউডৰ নামী-দামী তাৰকাৰে ভৰি পৰিছিল। কিন্তু আশ্চৰ্যজনকভাৱে উপস্থিত নাছিল বিগ-বি। কিন্তু কিয় ? অনুৰাগীৰ মাজতো বিষয়তো চৰ্চাৰ কেন্দ্ৰবিন্দু হৈ পৰা দেখা যায়। জানিবলৈ পোৱা মতে, অমিতাভে মুখ্যতঃ ক’ভিড বিধি বজাই ৰখাৰ বাবে লতাৰ অন্ত্যেষ্টিক্ৰিয়াত উপস্থিত নাছিল। স্মৰ্তব্য যে, কিংবদন্তি শিল্পীগৰাকীৰ অন্তিম সংস্কাৰ শিৱাজী পাৰ্কত সম্পন্ন কৰা হয়। সুৰসম্ৰাজ্ঞীলৈ অন্তিম শ্ৰদ্ধা নিৱেদনৰ বাবে অগণন লোকেৰে ভৰি পৰিছিল শিৱাজী পাৰ্ক। শ্বাহৰূখ খান, ৰণবীৰ কাপুৰ, শ্ৰদ্ধা কাপুৰৰ দৰে তাৰকাও উপস্থিত আছিল। কিন্তু অমিতাভ বচ্চনে কৰ’নাসৃষ্ট পৰিৱেশৰ বাবে সাৱধানতা বজাই ৰাখিছিল। এইবিষয়ে বলীউড শ্বেহেনশ্বাহে কোনোধৰণৰ মন্তব্য নকৰিলেও তেওঁৰ ওচৰ চুবুৰীয়া এজন ব্যক্তিয়ে সংবাদ মাধ্যমক কয়, ‘অমিতাভ বচ্চনে লতাজীৰ ঘৰলৈ গৈছে। তেওঁ তেওঁৰ পৰিয়ালৰ সৈতে কথা পাতিছে। কিন্তু সাম্প্ৰতিক পৰিস্থিতিৰ প্ৰতি লক্ষ্য ৰাখি জনসমাগমৰ মাজত লতাৰ অন্ত্যেষ্টিক্ৰিয়াত উপস্থিত নাছিল।’ অৱশ্যে, অমিতাভে লতাৰ বাসগৃহলৈ গৈ পৰিয়ালৰ সদস্যসকলে সকলোৰে সৈতে কথা পাতিছে। বেছ কিছুসময়ো অতিবাহিত কৰিছে তেওঁলোকৰ সৈতে। বিগ-বিৰ সৈতে লতাজীৰ বাসগৃহলৈ গৈছিল তেওঁৰে জীয়ৰী শ্বেতা বচ্চন নন্দাই।