লতাজীয়ে ইনষ্টাগ্ৰামত মাত্ৰ ৬ জন ব্যক্তিক ফ'ল' কৰিছিল! কোন তেওঁলোক?

ডিজিটেল ডেস্কঃ সমগ্ৰ দেশকে শোকস্তব্ধ কৰি যোৱা ৬ ফেব্ৰুৱাৰীত পৰলোকলৈ মহাপ্ৰস্থান কৰিলে ভাৰতৰ কিংবদন্তী শিল্পী লতা মংগেশকাৰে। সম্পূৰ্ণ ৰাষ্ট্ৰীয় মৰ্যাদাৰে লতাজীৰ অন্ত্যেষ্টিক্ৰিয়া সম্পন্ন কৰা হয়। যোৱা কেইবছৰমানৰ পৰা লতা মংগেশকাৰ সকলোৰে পৰা আঁতৰি আছিল। অৱশ্যে তেওঁ ২০১৯ চনত ইনষ্টাগ্ৰামত আত্মপ্ৰকাশ কৰিছিল আৰু প্লেটফৰ্মত তেওঁৰ অনুৰাগীসকলৰ সৈতে যোগাযোগ কৰিছিল। লতাজীয়ে তেওঁৰ অতীত আৰু বৰ্তমানৰ সময়ৰ কথা তেওঁৰ অনুৰাগীসকলৰ সৈতে ভাগ বতৰা কৰি থাকে। আপুনি জানেনে লতা মংগেশকাৰে ইনষ্টাগ্ৰামত মাত্ৰ ৬ জন লোকক ফ'ল' কৰিছিল? কোন সেই ৬ গৰাকী বিশেষ লোক? আহক জানো। তেওঁলোক হ'ল নৰেন্দ্ৰ মোদী, অমিতাভ বচ্চন, আশা ভোচলে, হেমা মালিনী, ধৰ্মেন্দ্ৰ আৰু শচীন তেণ্ডুলকাৰ। উল্লেখ্য যে লতা মংগেশকাৰক শেষ শ্ৰদ্ধা জনাবলৈ ৬ ফেব্ৰুৱাৰীত মুম্বাইৰ শিৱাজী পাৰ্কত কেইবাজনো চিৰ পৰিচিত ব্যক্তি উপস্থিত হৈছিল। সেই ব্যক্তিসকলৰ ভিতৰত আছিল যেনে প্ৰধানমন্ত্ৰী নৰেন্দ্ৰ মোদী, শ্বাহৰুখ খান, অমিতাভ বচ্চন, শচীন তেণ্ডুলকাৰ আদি। বলীউডৰ চেলিব্ৰিটী আৰু অনুৰাগীসকলে ছ'চিয়েল মিডিয়াত লতাজীৰ আত্মাৰ চিৰশান্তি কামনা কৰিছিল। প্ৰধানমন্ত্ৰী নৰেন্দ্ৰ মোদীয়ে লতা মংগেশকাৰক শেষ শ্ৰদ্ধাঞ্জলি জ্ঞাপন কৰিবলৈ শিৱাজী পাৰ্কত উপস্থিত হয়। অমিতাভ বচ্চন লতাজীৰ পেড্ডাৰ ৰোডৰ ঘৰত উপস্থিত হৈছিল আৰু শচীন তেণ্ডুলকাৰ পত্নী অঞ্জলীৰ সৈতে শ্মশানত উপস্থিত হৈছিল। হেমা মালিনী আৰু ধৰ্মেন্দ্ৰই কিংবদন্তি শিল্পীগৰাকীৰ মৃত্যুত টুইটাৰত গভীৰ সমবেদনা জ্ঞাপন কৰিছিল। আশা ভোচলেই জ্যেষ্ঠ ভগ্নীক স্মৰণ কৰি সৰুকালৰ এখন থ্ৰোবেক ফটো পোষ্ট কৰিছিল। আৰু পঢ়কঃ অৰুণাচলত ভয়ংকৰ হিমস্খলন! সন্ধানহীন সাত ভাৰতীয় সেনাৰ জোৱান