ডিজিটেল ডেস্কঃ মন্দিৰত দানপাত্ৰ থাকে। সেই দানপাত্ৰত সকলো ভক্তই নিজৰ সাধ্যানুসৰি অৰিহণা আগবঢ়ায়। দানপাত্ৰৰ টকা মন্দিৰ পৰিচালনাৰ কামত প্ৰয়োগ কৰে মন্দিৰৰ কমিটিয়ে। এটা দেৱী মন্দিৰৰ দানপাত্ৰ খুলি হতবাক হ'ল মন্দিৰৰ পৰিচাৰকসকল। সেই দানপাত্ৰ খুলোতে টকাৰ লগতে দেখিবলৈ পোৱা গৈছিল এখন চিঠি। দেৱীক বিশেষ অনুৰোধ কৰি চিঠিখন লিখিছিল এগৰাকী যুৱতী ভক্তই।
বাকচটোৰ ভিতৰত পোৱা চিঠিখনত লিখা আছিল, “মা, মোৰ প্ৰাৰ্থনা পূৰণ কৰা। বহুত আশাৰে তোমাৰ ওচৰলৈ আহিছোঁ। ৰবীন্দ্ৰ মোৰ আজীৱন প্ৰেম। মোৰ যাতে ৰবীন্দ্ৰৰ লগতে বিয়া হয়। মা দয়া কৰি ৰবীন্দ্ৰৰ লগত মোক বিয়া কৰাই দিয়া। এই বিয়াখনৰ বাবে সকলো যেন মান্তি হয় তাৰ বাবে আশীৰ্বাদ দিয়া।”
মন্দিৰ ট্ৰাষ্টৰ সভাপতি সঞ্জয় বাবুৱে কয় যে যদিও দানপাত্ৰত ধন দান কৰাটো সাধাৰণ কথা, তথাপিও এনে প্ৰাৰ্থনা পত্ৰও বৰ বিৰল নহয়। তেওঁ সংবাদ মাধ্যমক জনোৱা মতে, অলপতে মন্দিৰৰ দানপাত্ৰত আৰু দুখন চিঠি উদ্ধাৰ কৰা হৈছে। এখন চিঠি বাংলাত আৰু আনখন চিঠি তামিল ভাষাত লিখা হৈছিল। এখনত লিখা আছিল যে “মোৰ ছোৱালীজনী যাতে চাকৰিৰ পৰীক্ষাত উত্তীৰ্ণ হয়।” আনখন চিঠিত লিখা আছিল “আমাৰ সন্তানটিয়ে যাতে মেডিকেলৰ এণ্ট্ৰেচৰ পৰীক্ষাত উত্তীৰ্ণ হ'ব পাৰে, তাৰ বাবে আশীৰ্বাদ দিয়ক।” তেওঁৰ মতে ভক্তসকলে চিঠিৰ জৰিয়তে ঈশ্বৰৰ সৈতে যোগাযোগ কৰিব বিচাৰে।
এই ঘটনা সংঘটিত হৈছে ওড়িশাৰ সম্বলপুৰত থকা সমলেশ্বৰী মন্দিৰত।
Continue Reading
