ডিজিটেল ডেস্কঃ আজি ৰ’জ ডে অৰ্থাৎ গোলাপ দিৱস। ৭ ফেব্ৰুৱাৰীৰ পৰা গোলাপ দিৱসৰ পৰা আৰম্ভ হৈছে ভেলেণ্টাইন সপ্তাহ। আজিৰ দিনটোত মানুহে নিজৰ আপোনজনক গোলাপ ফুল দি নিজৰ অনুভৱ প্ৰকাশ কৰে। ভেলেণ্টাইন উইক হওক বা প্ৰেম, গোলাপৰ নিজস্ব তাৎপৰ্য আছে। এই ফুলপাহে মানুহক মোহিত কৰাই নহয়, ই প্ৰেম আৰু ৰোমাঞ্চৰ প্ৰতীক হিচাপেও বিখ্যাত। আজিৰ দিনটোত গোলাপ ফুলৰ চাহিদা বৰ বেছি, যাৰ বাবে ইয়াৰ দাম বৃদ্ধি পায়। আটাইতকৈ সস্তা গোলাপপাহো আজিৰ দিনটোত দামী হৈ পৰে। পৃথিৱীৰ আটাইতকৈ দামী গোলাপ ফুলবিধৰ কথা আপুনি জানেনে?
বিশ্বজুৰি ১৬টা ভিন্ন ৰঙৰ গোলাপ ফুল পোৱা যায়। প্ৰতিটো গোলাপ ফুলৰ প্ৰজাতি নিজস্ব ধৰণেৰে অনন্য আৰু বিশেষ। ইয়াৰে বহুতো সুগন্ধি আৰু সৌন্দৰ্য্যৰ বাবে বিখ্যাত। জুলিয়েট গোলাপ পৃথিৱীৰ আটাইতকৈ দামী গোলাপ। এই গোলাপ ফুলৰ খৰচ অনুমান কৰিব পাৰিবনে? নিশ্চয় নোৱাৰে। আপোনালোকক জনাও যে জুলিয়েট গোলাপৰ দাম ইমানেই বেছি যে ধনী মানুহেও কিনিব নোৱাৰে। প্ৰতিদিনে বহুত ঘাম ওলোৱা কষ্ট কৰাৰ পাছত ১৫ বছৰত মাত্ৰ এবাৰেই ফুলে জুলিয়েট গোলাপ। সেইবাবেই এই গোলাপৰ দাম ১১২ কোটি টকা।
ডেভিদ অষ্টিন নামৰ এজন ব্যক্তিয়ে প্ৰথমবাৰৰ বাবে জুলিয়েট গোলাপৰ খেতি আৰম্ভ কৰিছিল। তেওঁ বেলেগ ধৰণেৰে ইয়াৰ লালন-পালন কৰিবলৈ চেষ্টা কৰিলে। অষ্টিনে কেইবাবিধো গোলাপ মিহলাই নতুন প্ৰকাৰৰ গোলাপ প্ৰস্তুত কৰি নাম দিছিল জুলিয়েট। এই গোলাপ ফুলৰ খেতি কৰিবলৈ ১৫ বছৰ সময় লাগে। এই ফুল প্ৰথম বিশ্বৰ সন্মুখত আহিছিল ২০০৬ চনত। সেই সময়ত এই গোলাপৰ দাম আছিল ৯০ কোটি টকা। জুলিয়েট গোলাপৰ গোন্ধ অতি মনোমোহা আৰু আকৰ্ষণীয়। কোনো দামী ব্ৰেণ্ডৰ পাৰফিউমতকৈ কোনো গুণে কম নহয় জুলিয়েট গোলপাৰ সুবাস। সেয়েহে ধনকুূবেৰসকলে ১৫ বছৰ হলেও অপেক্ষা কৰে এই জুলিয়েট গোলপাৰ বাবে।
Continue Reading
