ডিজিটেল ডেস্কঃ নিউয়ৰ্ক টাইমছে টুইটাৰক মাচুল পৰিশোধ কৰা নাছিল, ইলন মাস্কেও কোম্পানীৰ ব্লু টিকটো কাকত খনৰ টুইটাৰৰ পৰা আঁতৰাই পেলালে। ঘটনাটোকলৈ এতিয়া টুইটাৰ আৰু নিউয়ৰ্ক টাইমছৰ মাজত আৰম্ভ হৈছে বাক-বিতণ্ডা।
টুইটাৰৰ পদক্ষেপৰ পিছতে নিউয়ৰ্ক টাইমছে টুইটাৰত লিখিছে, "এতিয়া কোম্পানীটোৰ কোনো ধৰণৰ প্ৰমাণীকৃত বেজ আৰু ব্লুটিক নাই। এই দুয়োটা বস্তু টুইটাৰে কাঢ়ি লৈছে।’’ উল্লেখ্য টুইটাৰে এতিয়া ইয়াৰ ব্লু টিক চাবস্ক্ৰিপশ্বন নীতি কঠোৰভাৱে ৰূপায়ণ কৰা আৰম্ভ কৰিছে। মাচুল পৰিশোধ নকৰা ব্যৱহাৰকাৰীৰ একাউণ্টৰ পৰা ব্লু টিক আঁতৰ কৰা হৈছে। ইলন মাস্ক মালিকানাধীন এই কোম্পানীটোৱে 'দ্য নিউয়ৰ্ক টাইমছ'ৰ মুখ্য প্ৰ'ফাইলৰ পৰা প্ৰমাণিত ব্লু টিকটো আঁতৰাই দিয়াত বহুতে প্ৰতিক্ৰিয়াও ব্যক্ত কৰিছে।
নিউয়ৰ্ক টাইমছে কৈছে যে কাকত খনে এটা প্ৰমাণীকৃত ব্যৱসায়িক একাউণ্টৰ বাবে কোনো ধন পৰিশোধ নকৰে। কাকত খনে কেৱল সাংবাদিকসকলৰ বাবেহে ব্লু টিকৰ সদস্যতা ল'ব, যিসকলে তেওঁলোকৰ খবৰ সংগ্ৰহৰ প্ৰয়োজনীয়তাৰ বাবে সেয়া প্ৰয়োজনীয় বুলি ভাবে। ইপিনে কাকত খনৰ এনে স্থিতিৰ পিছতে মাস্কে কয় "নিউয়ৰ্ক টাইমছৰ কাকতৰ ট্ৰেজেডীটো হ'ল যে তেওঁলোকে প্ৰচাৰ নিবিচাৰে" ।
উল্লেখ্য টুইটাৰৰ মালিক হৈ পৰাৰ পিছতে এলন মাস্কে 'ব্লু টিক'ৰ বাবে এটা নতুন নিয়ম প্ৰস্তুত কৰিছিল। ইয়াৰ অধীনত ব্যৱহাৰকাৰীসকলে ইয়াক বাহাল ৰাখিবলৈ ১ এপ্ৰিলৰ ভিতৰত নিৰ্দিষ্ট মাত্ৰাত ধন পৰিশোধ কৰিব লাগিব। ধন পৰিশোধ নকৰিলে 'ব্লু টিক' আঁতৰ কৰা হ'ব।
নিউয়ৰ্ক টাইমছে ৩০ মাৰ্চত কৈছিল যে ই কাকত খনে প্ৰতিষ্ঠানগত একাউণ্টৰ প্ৰমাণীকৰণৰ বাবে টুইটাৰক কোনো ধন পৰিশোধ নকৰে।ইলন মাস্কে যোৱা বছৰ মাইক্ৰ'ব্লগিং প্লেটফৰ্মটো টুইটাৰ ক্ৰয় কৰিছিল । টুইটাৰে এতিয়া ইয়াৰ ব্লু টিক চাবস্ক্ৰিপশ্বন নীতি কঠোৰভাৱে ৰূপায়ণ কৰা আৰম্ভ কৰিছে।
Continue Reading
