সোণম ৰঘুবংশীৰ কিছুমান নেদেখা ফটো ! বেগত পোৱা মঙ্গলসূত্ৰই আৰক্ষীক কেনেদৰে সহায় কৰিলে?

ডিজিটেল ডেস্কঃ যোৱা ৭ জুনত ইউপিৰ গাজীপুৰত আত্মসমৰ্পণ কৰিছিল সোণম ৰঘুবংশীয়ে। ইয়াৰ পিছত আৰক্ষীয়ে তেওঁক গুৱাহাটীলৈ লৈ আনে।

সোণমৰ মঙ্গলসূত্ৰ ৰাজা ৰঘুবংশী হত্যাকাণ্ডৰ এক গুৰুত্বপূৰ্ণ লিংক হিচাপে প্ৰমাণিত হয়।বেগটোত এই মঙ্গলসূত্ৰ উদ্ধাৰ কৰে আৰক্ষীয়ে। মঙ্গলসূত্ৰ ৰখা হোটেলখনত লাগেজৰ ভিতৰত এটা বাকচ উদ্ধাৰ কৰে আৰক্ষীয়ে। হানিমুন কৰা দম্পতীহালৰ মংগলসূত্ৰ কিয় বেগত আছিল বুলি আৰক্ষীয়ে সন্দেহ কৰিছিল?

এই মঙ্গলসূত্ৰৰ পৰাই আৰক্ষীয়ে গম পালে যে সোণম জীয়াই আছে। সোণমে যোৱা ২২ মে’ত সোহৰাৰ হোটেল মানহাত লাগেজ এৰি ডাবল ডেকাৰ দলঙৰ ওচৰৰ এটা হোমষ্টেত ৰাতিটো থাকিবলগীয়া হয়।

ইফালে সোণমৰ ছবিও পোহৰলৈ আহিছে। এই ছবিবোৰ সোণম ৰঘুবংশীৰ ৰোকা আৰু এংগেজমেণ্টৰ লগতে বিয়াৰ সকলো অনুষ্ঠানৰ।

প্ৰেমিক ৰাজ কুশৱাহাৰ সৈতে সোণম ৰঘুবংশীয়ে স্বামী ৰাজা ৰঘুবংশীক হত্যাৰ ষড়যন্ত্ৰ কৰে। ১১ মে’ত সোণম আৰু ৰাজাৰ বিবাহ হয়।হত্যাৰ চূড়ান্ত পৰিকল্পনা ১৬ মে’ত কৰা হয়।

স্বামী ৰাজা ৰঘুবংশীক হত্যা কৰাৰ বাবে হত্যাকাৰীক ২০ লাখ টকা দিব বুলি সোণমে কয়। যোৱা ২ জুনত মেঘালয়ৰ পূব খাছি পাহাৰৰ ছ’হৰাৰ ৰিয়াত আৰলিয়াঙত ৱেই ছাউডং পাৰ্কিং লটৰ তলৰ দ খাৱৈৰ পৰা সোণমৰ স্বামী ৰাজা ৰঘুবংশীৰ মৃতদেহ উদ্ধাৰ কৰা হয়। মৃতদেহটো উদ্ধাৰ হোৱাৰ কিছুদিন পিছতে ৭ জুনত ইউ পিৰ গাজীপুৰত আত্মসমৰ্পণ কৰে সোণমে।ইয়াৰ পিছতে তেওঁক পাটনা, কলকাতা আৰু তাৰ পিছত গুৱাহাটীলৈ লৈ যোৱা হয়।