ডিজিটেল ডেস্কঃ ব্ৰিটেইনৰ প্ৰিন্স হেৰীৰ আত্মজীৱনী 'স্পেয়াৰ' কেইদিনমানৰ ভিতৰতে মুকলি কৰা হ'ব। তাৰ আগতে তেওঁ এটাৰ পিছত এটাকৈ বিস্ফোৰণ ভাস্য প্ৰদান কৰি আছে। এইবাৰ তেওঁ মাহীমাক কেমিলিয়াক 'খলনায়িকা' বুলি অভিহিত কৰিছে! তাৰপিছতে সৃষ্টি হৈছে বিতৰ্কৰ।
উল্লেখ্য যে ৰাজকুমাৰী ডায়েনাৰ মৃত্যুৰ পিছত ৰাণী কনচৰ্টে কেমিলিয়াৰ স’তে ৰজা চাৰ্লছৰ বিয়া হয়। ডায়েনাৰ সন্তান হেৰী আৰু উইলিয়াম নামৰ দুয়োজন ভাতৃয়ে এই বিবাহৰ সৈতে একমত হোৱা নাছিল। তেওঁলোকে তেওঁলোকৰ দেউতাকৰ বিয়াক স্বীকৃতি দিয়া নাছিল।
এণ্ডাৰছন কুপাৰৰ সৈতে হোৱা শেহতীয়া এক সাক্ষাৎকাৰত হেৰীক কোৱা শুনা যায়- "তেওঁ (কেমিলিয়া) এগৰাকী খলনায়িকা। আমি এইটো (চাৰ্লছৰ সৈতে বিবাহ) একেবাৰে প্ৰয়োজনীয় বুলি ভবা নাছিলো।’’
ইয়াৰ উপৰিও হেৰীৰ আত্মজীৱনী প্ৰকাশৰ পূৰ্বে কেইবাটাও বিতৰ্কিত তথ্য প্ৰকাশ পাইছে। জানিব পৰা গৈছে যে প্ৰিন্স হেৰীক তেওঁৰ ককাদেউতা উইলিয়ামে প্ৰহাৰ কৰিছিল। ইয়াৰ কাৰণ হৈছে হেৰীৰ পত্নী মেঘান মাৰ্কেল। হেৰীয়ে দাবী কৰিছিল যে ককাক উইলিয়ামে তেওঁক কলাৰত ধৰি মাটিত পেলাই দিছিল।
উল্লেখ্য যে শেহতীয়াকৈ প্ৰিন্স হেৰী আৰু তেওঁৰ পত্নী মেঘান মাৰ্কলেই ব্ৰিটেইনৰ ৰাজপৰিয়ালৰ ওপৰত ব্যাপক অভিযোগ উত্থাপন কৰি আহিছিল। এইসমূহে বিতৰ্কৰ সৃষ্টি কৰিছিল। তাৰমাজতে প্ৰিন্স হেৰীৰ এই ভাষ্যই ব্যাপক প্ৰতিক্ৰিয়াৰ সৃষ্টি কৰিছে।
