ডিজিটেল ডেস্কঃ মাইক্ৰ’ছফ্টৰ সহ-প্ৰতিষ্ঠাপক বিল গেটছে কৰিব নোৱাৰা একো নাই। বিলৰ সমৰ্থকসকলৰ মতে তেওঁ জোতা নিৰ্মাণত নিপুণ। কিন্তু ৰান্ধিব পাৰেনে বিলে? ছচিয়েল মিডিয়াত বিয়পি পৰিছে এই সন্দৰ্ভত এটা ভিডিঅ’। ভিডিঅ'টোত আছে কেন্দ্ৰীয় মন্ত্ৰী স্মৃতি ইৰাণীও।
শেহতীয়াকৈ স্মৃতিয়ে বিল গেটছৰ সৈতে তেওঁৰ টুইটাৰত এটা ভিডিঅ’ শ্বেয়াৰ কৰিছিল। ইয়াত স্মৃতিয়ে বিল গেটছক খিচিৰী ৰান্ধিবলৈ শিকাই থকা দেখা গৈছে। স্মৃতিয়ে কেৰাহীত তেল ঢালি দিছে। বিলে গৰম তেল ফুৰন কৰিছে আৰু সাৱধানে উতলা পানীখিনি খিচিৰিত ঢালি দিছে। খিচিৰিৰ সোৱাদ লৈ বিল বৰ আনন্দিত হ’ল। ভাৰতীয় খাদ্যই যে তেওঁৰ মন মুহিছে, সেয়া স্পষ্ট!
স্মৃতিৰ এই ভিডিঅ’টো বিয়পি পৰাৰ লগে লগে নেটিজেনসকলে বিভিন্ন ধৰণৰ মন্তব্য কৰিবলৈ আৰম্ভ কৰিলে। কোনোবাই লিখিছে, "এই খিচিৰীৰ নাম এইবাৰ মাইক্ৰ'ছফ্ট খিচিৰী হ'ব।"
উল্লেখ্য যে কিছুদিন আগতে বিলক ৰুটি বনোৱা দেখা গৈছিল। ভিডিঅ’টোত দেখা গৈছিল যে তেওঁ ঘূৰণীয়া ৰুটি বনোৱাত সফল হ’ল। এইবাৰ ৰুটিৰ পিছত খিচিৰী! বহুতে ধেমালিতে কৈছে যে বিলে ভাৰতীয় ৰান্ধনীক মাৰিবলৈ সাজু হৈছে!
Continue Reading
