ডিজিটেল ডেস্কঃ কিছুদিন পূৰ্বে ভাৰতৰ এখন বিমানত এগৰাকী যাত্ৰী অসুস্থ হৈ পৰাৰ বাবেই বিমান খন পাকিস্তানত অৱতৰণ কৰিবলগীয়া হৈছিল৷ এইবাৰ বিমানৰ ভিতৰতে এগৰাকী যাত্ৰী হৃদৰোগত আক্ৰান্ত হোৱাত ম্যানমাৰত বিমানৰ জৰুৰী অৱতৰণ কৰিবলগীয়া হয়৷ যাত্ৰীগৰাকীয়ে মাজ আকাশতে বুকুৰ বিষ অনুভৱ কৰিবলৈ লয় আৰু হৃদৰোগত আক্ৰান্ত হয়৷ তেওঁৰ শাৰীৰিক অৱস্থাৰ কথা বিবেচনা কৰি, বিমানখন ম্যানমাৰত অৱতৰণ কৰোৱাৰ সিদ্ধান্ত লোৱা হয়৷
কিন্তু জৰুৰী অৱতৰণ কৰাৰ পিছতো যাত্ৰীগৰাকীক বচাব পৰা নগ'ল।বেংককৰ পৰা মুম্বাইলৈ উৰা মাৰিছিল ইণ্ডিগ'ৰ ৬ই-৫৭ বিমান খনে। কিন্তু এজন যাত্ৰী হঠাতে মাজ আকাশতে অসুস্থ হৈ পৰে। তেওঁৰ বয়স ৫৭ বছৰ। বিমানখনে উৰা মৰাৰ এঘণ্টাৰো কম সময়ৰ ভিতৰত তেওঁ হৃদৰোগত আক্ৰান্ত হৈছিল। যাত্ৰীগৰাকীক বচোৱাৰ লক্ষ্যৰেই বিমানখন ম্যানমাৰত অৱতৰণ ককৰা হয়। কিন্তু যাত্ৰীগৰাকীৰ মৃত্যু ঘটাত প্ৰায় পাঁচ ঘণ্টাৰ পিছত ম্যানমাৰৰ য়াংগন বিমানবন্দৰৰ পৰা ইণ্ডিগোৰ বিমানখনে পুনৰ মুম্বাইলৈ উৰা মাৰে৷
উল্লেখ্য যোৱা দুদিনত ভাৰতৰ বিমানত যাত্ৰীৰ মৃত্যু ঘটাৰ এয়া দ্বিতীয়টো ঘটনা ৷ইয়াৰ পূৰ্বে শুকুৰবাৰে ৰাঁচীৰ পৰা পুনে অভিমুখী এখন বিমানে জৰুৰী কালীন ভিত্তিত নাগপুৰত অৱতৰণ কৰিব লগা হৈছিল। বিমানখনত থকা এজন যাত্ৰীও অসুস্থ হৈ পৰিছিল। তেওঁক চিকিৎসাৰ বাবে নাগপুৰৰ এখন স্থানীয় চিকিৎসালয়লৈ লৈ যোৱা হৈছিল। অৱশ্যে, চিকিৎসাৰ সময়তে যাত্ৰীজনৰ মৃত্যু হয়।
বিমানত উঠাৰ পিছত বহু যাত্ৰী অসুস্থ হৈ পৰাৰ ঘটনাই শেহতীয়াকৈ বাৰে বাৰে সংবাদ শিৰোনাম দখল কৰি আহিছে। পৰ্যবেক্ষকসলকো বিষয়টোকলৈ চিন্তিত হৈ পৰিছে।
Continue Reading
