ডিজিটেল ডেস্ক: মাজুলীৰ বৰুণচুকত সংঘটিত হৈছে এক কৰুণ ঘটনা। বৰুণচুক গাঁৱৰ ধাননি পথাৰত লাগিল জুই।
পথাৰত সোণগুটি চপোৱাৰ সময়তে মাজুলীৰ বৰুণচুকত ৰাইজৰ মাজত লাগিল হাহাকাৰ। কৃষক ৰাইজৰ সপোনৰ ধাননি পথাৰত দপদপকৈ জ্বলি উঠিল জুই।
এজন কৃষকে পথাৰৰ জাবৰ পুৰিবলৈ লওঁতেই বতাহত সেই জুই বাগৰি কাষৰ পকি থকা ধাননী পথাৰত জ্বলিবলৈ আৰম্ভ কৰে।
লগালগ অগ্নিনিৰ্বাপক বাহিনীক খবৰ দিয়াত উপস্থিত হৈ স্থানীয় ৰাইজৰ সহযোগত জুই নুমুৱাবলৈ সক্ষম হয় যদিও চাৰিজন খেতিয়কৰ পথাৰৰ প্ৰায় পাঁচ বিঘা মাটিত কৰি থোৱা ধান জাহ যায় জুইত।
কৃষকসকল ক্ৰমে মহানন্দ মিলি, দেৱৰাম মিলি, ৰণোজ পগাগ, বলিন মিলিৰ ধান নষ্ট হয়।
এই ঘটনাই সকলোৰে মন বেদনাত ভাৰাক্ৰান্ত কৰি তুলিছে।
Continue Reading
