পিতৃ তামিল আৰু হিন্দী ছবি জগতৰ এগৰাকী প্ৰখ্যাত অভিনেতা, পুত্ৰ বিশ্ব বিজয়ী সন্তৰণবিদ। হয়, অভিনেতা আৰ মাধৱনৰ পুত্ৰ বেদান্ত মাধৱনে সাঁতোৰত পাঁচটাকৈ স্বৰ্ণ পদক জয় কৰি দেশলৈ গৌৰৱ কঢ়িয়াই আনিছে। মালয়েছিয়াত মাধৱনৰ পুত্ৰ বেদান্তেই ৫টা স্বৰ্ণ পদক জয় কৰাৰ পিছত আ

Listen to Article

2 min read

80%

ডিজিটেল ডেস্কঃপিতৃ তামিল আৰু হিন্দী ছবি জগতৰ এগৰাকী প্ৰখ্যাত অভিনেতা, পুত্ৰ বিশ্ব বিজয়ী সন্তৰণবিদ। হয়, অভিনেতা আৰ মাধৱনৰ পুত্ৰ বেদান্ত মাধৱনে সাঁতোৰত পাঁচটাকৈ স্বৰ্ণ পদক জয় কৰি দেশলৈ গৌৰৱ কঢ়িয়াই আনিছে। মালয়েছিয়াত মাধৱনৰ পুত্ৰ বেদান্তেই ৫টা স্বৰ্ণ পদক জয় কৰাৰ পিছত আৰ মাধৱনে লিখিছে, 'উৎফুল্লিত আৰু অতি কৃতজ্ঞ।'

মালয়েছিয়াৰ আমন্ত্ৰণমূলক চেম্পিয়নশ্বিপত তেওঁৰ পুত্ৰ বেদান্ত মাধৱনে সাঁতোৰত পাঁচটা সোণৰ পদক অৰ্জন কৰাৰ খবৰ পোৱাৰ পিছতে অভিনেতা আৰ মাধৱন অতিকৈ আনন্দিত হৈ পৰিছে। তেওঁৰ আনন্দ আৰু সুখ ভাগ বতৰা কৰি অভিনেতাজনে তেওঁৰ পুত্ৰৰ ছবি ইনষ্টাগ্ৰামত পোষ্ট কৰিছে আৰু লিখিছে যে "ঈশ্বৰৰ অনুগ্ৰহ আৰু আপোনাৰ সকলো শুভকামনাৰ বাবেই বেদান্তই মালয়েছিয়াৰ আমন্ত্ৰণমূলক চেম্পিয়নশ্বিপত ভাৰতৰ বাবে ৫ টা স্বৰ্ণ (৫০মিটাৰ, ১০০ মিটাৰ, ২০০মিটাৰ, আৰু ১৫০০ মিটাৰ) লাভ কৰিছে। মই উৎফুল্লিত আৰু অতি কৃতজ্ঞ।"

আৰ মাধৱনে পোষ্টটো শ্বেয়াৰ কৰাৰ পিছতে তেওঁৰ অনুৰাগীসকলে বিভিন্ন ধৰণে উৎসাহপূৰ্ণ মন্তব্য কৰিছে। অভিনন্দন বাৰ্তাৰে প্লাবিত হৈ পৰিছে মাধৱনৰ ইনষ্টাগ্ৰামৰ পেজ। বেদান্তই ইয়াৰ পূৰ্বেও বহু প্ৰতিযোগিতাত জয় লাভ কৰিছে।

তেওঁ যোৱা কেইবছৰমানধৰি জয়ৰ ধাৰা অব্যাহত ৰাখিছে। এই বছৰৰ ফেব্ৰুৱাৰী মাহত খেলো ইণ্ডিয়া ২০২৩ টুৰ্ণামেণ্টত মহাৰাষ্ট্ৰ দলক প্ৰতিনিধিত্ব কৰা বেদান্তই প্ৰতিযোগিতাখনত পাঁচটা সোণৰ পদক আৰু দুটা ৰূপৰ পদক জিকিছিল। যোৱা বছৰৰ জুলাই মাহত বেদান্তই ৪৮ সংখ্যক জুনিয়ৰ ৰাষ্ট্ৰীয় একুৱাটিক চেম্পিয়নশ্বিপত ৰাষ্ট্ৰীয় জুনিয়ৰ সাঁতোৰৰ অভিলেখ ভংগ কৰে আৰু ১৫০০ মিটাৰ ফ্ৰীষ্টাইল সাঁতোৰ প্ৰতিযোগিতাত বিজয়ী হৈছিল।