ডিজিটেল ডেস্কঃ তাই জিয়ানকি। এইগৰাকী চীনা বিজ্ঞানীক মানৱ জিনৰ পৰীক্ষা-নিৰীক্ষা কৰাৰ বাবে ২০১৯ চনত গ্ৰেপ্তাৰ কৰা হৈছিল। কিছু মাহ পূৰ্বে তেওঁক মুকলি কৰি দিয়া হৈছে। এইবাৰ তেওঁ মানুহৰ জিনৰ পৰীক্ষা-নিৰীক্ষাৰ বাবে আন এটা প্ৰস্তাৱ আগবঢ়ায়। চীনৰ বিজ্ঞানীসকলে এই সন্দৰ্ভত উদ্বেগ প্ৰকাশ কৰিছে।
মানুহৰ জিনৰ ওপৰত জিয়ানকিউৱে কি পৰীক্ষাৰ প্ৰস্তাৱ দিছিল? জিয়ানকিউৱে কয় যে তেওঁ এন্দুৰৰ ভ্ৰূণ আৰু মানুহৰ নিষিক্ত কণী বা ‘জাইগ’ট’ৰ মিউটেচন (সংযুক্ত) কৰি মানুহৰ জিন সলনি কৰিব বিচাৰে। জিয়ানকুইৰ মতে এই মিউটেচনৰ ফলত এলঝেইমাৰ ৰোগৰ স্থায়ী নিৰাময় হ’ব পাৰে। আৰু সেইবাবেই তেওঁ এই গৱেষণা কৰিব বিচাৰিছে।
জিয়ানকুইয়ে ২৮ জুনত এই অফাৰ দিছিল। যিটোক সমালোচনা কৰিছে চীনৰ আন বিজ্ঞানীসকলে। বিজ্ঞানীৰ এটা দলে দাবী কৰিছে যে জিয়ানকুইৰ এই পৰীক্ষাই পৰৱৰ্তী প্ৰজন্মৰ মানুহৰ ডি এন এৰ গঠন স্থায়ীভাৱে ধ্বংস কৰিব পাৰে। বিজ্ঞানীসকলৰ মতে এই পৰীক্ষাত এক প্ৰকাৰৰ অস্বাভাৱিকভাৱে নিষিক্ত কণী ব্যৱহাৰ কৰা হ’ব। যিটো সাধাৰণতে মহিলাৰ শৰীৰত স্থাপনৰ বাবে উপযোগী নহয়।
জিয়ানকিয়ে চীনৰ শ্বেনজেনৰ চাউদাৰ্ণ ইউনিভাৰ্চিটি অৱ চাইন্স এণ্ড টেকন’লজিত সহযোগী অধ্যাপক হিচাপে কাম কৰে। ২০১৮ চনত জিয়ানকিয়ে শিৰোনাম দখল কৰিছিল। তেওঁ এহাল যমজ কিশোৰী ভগ্নীৰ জিন সলনি কৰি এইডছমুক্ত কৰি ৰখাৰ চেষ্টা কৰিছিল। এই যমজ ভগ্নী লুলু আৰু নানাৰ জন্ম হৈছিল ২০১৮ চনত। জিয়ানকিয়ে তেওঁলোকৰ জিন সলনি কৰি CCR5 নামৰ এটা জিন লক্ষ্য কৰিলে। যিয়ে তেওঁৰ মতে এইচ আই ভিৰ পৰা ৰক্ষা কৰিব পাৰে।
আনহাতে, এক অধ্যয়নত দেখা গৈছে যে জিয়ানকুইৰ দ্বাৰা সৃষ্টি হোৱা জিন মিউটেচন হোৱা বেছিভাগৰে কম বয়সতে মৃত্যু হয়। জিয়ানকুইৰ এই কামক আন বিজ্ঞানীসকলে ‘মূৰ্খ’ আৰু ‘বিপজ্জনক’ বুলি অভিহিত কৰিছিল। চীনৰ এখন আদালতে জিয়ানকুয়াইক দুজন সহায়কৰ সৈতে এই পৰীক্ষাৰ বাবে দোষী সাব্যস্ত কৰে। শাস্তি হিচাপে জিয়ানকুইক তিনি বছৰৰ কাৰাদণ্ডলৈ প্ৰেৰণ কৰা হয়। লগতে তেওঁক ১০ লাখ ইউয়ান জৰিমনা বিহা হয়।
জিয়ানকুইৰ নতুন গৱেষণাৰ কথা উল্লেখ কৰি ছিংগাপুৰৰ নানয়াং টেকন’লজিকেল ইউনিভাৰ্চিটিৰ সহযোগী অধ্যাপক পিটাৰ ড্ৰ’জে কয়- ''গোটেই কথাটো এজন পাগলৰ কামৰ বাহিৰে আন একো নহয়। জিয়ানকিয়ে মূলতঃ মানুহৰ শৰীৰৰ জিন সলনি কৰিব বিচাৰে।''
লগতে তেওঁ কয়, "এলঝেইমাৰ ৰোগ প্ৰতিৰোধৰ বাবে জিয়ানকুইৰ এই গৱেষণা। ইয়াৰ আগতে তেওঁ এই সকলোবোৰ পৰীক্ষা কৰাৰ বাবে জেললৈ গৈছিল। মই আচৰিত হৈছো যে তেওঁ পুনৰ একেটা বিষয়তে গৱেষণা কৰিব বিচাৰিছে।''
চীনৰ বিজ্ঞানীসকলে আশংকা কৰিছে যে জিয়ানকুইৰ পৰীক্ষাটো যদি ভুল হয় তেন্তে ইয়াৰ প্ৰভাৱ পৰৱৰ্তী প্ৰজন্মৰ ডি এন এত পৰিব। চীন, ব্ৰিটেইন আৰু আমেৰিকা আদি কেইবাখনো দেশত মানৱ শৰীৰৰ জিনীয় পৰিৱৰ্তন নিষিদ্ধ। জিনীয় পৰীক্ষাৰ প্ৰয়োজন হ’লেও মানুহৰ শৰীৰত সেইটো কৰিবলৈ দিয়া নহয়।
চীনৰ আইন অনুসৰি গৱেষণাৰ বাবে মহিলাৰ শৰীৰত জিনীয়ভাৱে পৰিৱৰ্তিত ভ্ৰূণ স্থাপনৰ অনুমতি নাই। প্ৰজননৰ বাবে জিনীয়ভাৱে পৰিৱৰ্তিত জীৱৰ ব্যৱহাৰ সেই দেশত বহুদিনৰ পৰা নিষিদ্ধ হৈ আহিছে। এনে সময়তে জিয়ানকুইৰ এই প্ৰস্তাৱ আহিছে যেতিয়া আন্তঃৰাষ্ট্ৰীয় সমাজৰ একাংশই Covid চীনৰ ‘ষড়যন্ত্ৰ’ বুলি দাবী কৰিছে।
কভিড ভাইৰাছ জিনীয়ভাৱে পৰিৱৰ্তিত হৈ মানৱ সমাজত বিয়পি পৰা বুলি দাবী কৰা হৈছে। আৰু সেইবাবেই বিশ্বাস কৰা হয় যে বেইজিঙে চীনৰ ফালে অধিক আঙুলিয়াই দিয়াটো নিবিচাৰে।
Continue Reading
